मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यात आत्महत्यांचे सत्र सतत सुरु आहेत.ते थांबताना मात्र दिसून येत नाही. शासन स्तरावरून यावर कोणत्याही उपाययोजना केल्या जात नाही अथवा या थांबण्यासाठी ठोस पावलेही उचलले जात नाही. तालुक्यात काही काळाच्या विश्रांती नंतर पुन्हा आत्महत्येने डोके वर काढल्याचे दिसुन येते आहे.
नरसाळा येथे आज दिनांक 6 ऑक्टोंबर 2022 रोज गुरुवारला सकाळी 9 वाजताच्या सुमारास नरसाळा येथील एका मुर्माच्या खदान जवडील खड्यातील पाण्यामध्ये मृतदेह तरंगत असल्याचे काही लोकांच्या निदर्शनास येताच घटणा उघडकीस आली.दिलीप देविदास रामपुरे वय सुमारे 21 वर्ष रा.गोंडबुरांडा असे मृतकाचे नाव असुन हा घरून दिनांक 4 ऑक्टोंबर 2022 रोजी सांयकाळी 5 वाजताच्या सुमारास करंजी येथे नातेवाईकांकडे जातो असे सांगुन घरुन गेला होता.नरसाळा येथील मुरमाच्या खड्ड्यातील पाण्यामध्ये मृत्यू अवस्थे मध्ये आढळून आल्याने एकच खळबळ उडाली होती.त्याच्या आत्महत्येचे नेमके कारण कळु शकले नाही.
तर दुसऱ्या घटनेमध्ये स्वप्नील राजु पाचभाई वय सुमारे 24 वर्ष रा.केगाव असे आत्महत्या करणाऱ्या युवा शेतकऱ्याचे नाव असुन तो दिनांक 5 ऑक्टोंबर 2022 रोज बुधवारला देव्या पाहण्याकरीता जातो अशे घरी सांगुन घरुन गेला होता.परंतु तो रात्री घरी परत आला नाही. त्याने शेतामध्ये जाऊन विषारी कीटकनाशक प्राशन करून आत्महत्या केल्याची घटना आज दिनांक 6 ऑक्टोंबर 2022 रोज गुरुवारला सकाळी 8 वाजताच्या सुमारास त्याचे वडील शेतात जाताच ही घटना उघडकीस आली.त्याच्या वडीलांच्या नावाने केगाव येथे 3 एकर शेती आहे.मृतक स्वप्नील यांच्या पश्चात आई,वडील असा आप्त परिवार आहे. या दोन्ही प्रकरणाचा पुढील तपास मारेगाव पोलीस करत आहे.
