वणी-वरोरा रोडवरील सावर्ला जवळ घटना.
तालुका प्रतिनिधी:- वणी
वणी तालुक्यातील सावर्ला फाट्या जवळ आज दिनांक 28 फेब्रुवारी 2023 रोज मंगळवारला सायंकाळी 6:15 वाजताच्या सुमारास विरुद्ध दिशेने येणाऱ्या भरधाव कारने दुचाकिला भीषण धडक दिली.या अपघातात दुचाकीस्वार दोघे जण ठार झाले तर 1 जण गंभीर जखमी झाला आहे.
कार क्रमांक MP.48 ZA.2259 ह्या कारने सावर्ला जवळ वरोऱ्या कडून वणी कडे येत असलेल्या दुचाकी क्रमांक MH.29 BG.5124 हीरो फॅशन प्रो ला भीषण धडक दिली.या अपघाता (accident) मध्ये दुचाकीचा पूर्ण चुराडा झाला असुन कारचे पण बोनट फुटले आहे.आज वणी येथील तीन तरुण काही कार्यक्रमानिमित्त वरोरा येथे गेले होते.
तेथील कार्यक्रम आटोपून वणी कडे दुचाकीने वापस येत असताना सावर्ला जवळ भरधाव कारने धडक दिली.या अपघातात आकाश शंकर गाउत्रे वय सुमारे 27 वर्ष रा रंगारीपुरा वणी,अमोल मडावी वय सुमारे 29 वर्ष रा.जैताई मंदिरा जवळ वणी असे मृतकाचे नाव आहे.रानु तुमराम वय सुमारे 27 वर्ष रा.पोलीस लाईन भिमनगर वणी हा गंभीर जखमी झाला आहे.
त्यांना रस्त्यांनी ये -जा करणाऱ्यांनी लगेच वणी येथील ग्रामीण रुग्णालयात दाखल केले पण तेथील डॉक्टरांनी आकाश व अमोल याला मृत घोषित केले.अपघात घडताच परिसरातील नागरिकांची मोठ्या प्रमाणात गर्दी झाली होती.या घटनेची माहिती मिळताच वणी पोलीस घटनास्थळी दाखल झाले.व पुढील तपास करत आहे.