वणी शहरातील टागोर चौकातील घटना
वणी प्रतिनिधी..
वणी टागोर चौकात असलेल्या आबड भवनला दुपारच्या सुमारास अचानक आग लागली त्यामध्ये फर्निचरचे दुकान जळून पूर्ण पणे खाक झाले आहे. दुपारी 2:45 वाजताच्या सुमारास आबड भवनातुन मोठ्या प्रमाणात धूर निघत असल्याचे परिसरातील काही नागरिकांच्या निदर्शनास आले. मात्र पाहता पाहता आगीने रौद्ररुप धारण केले. या आबड भवनाच्या लगतच असलेले फर्निचरचे दुकान आगीने आपल्या ताब्यात घेतले.
सदर फर्निचरच्या दुकानातले संपूर्ण सामान जळून खाक झाले आहे. अग्निशमन दलाचे कर्मचारी आगीवर नियंत्रण मिळविण्याचे प्रयत्न करीत आहे. बातमी लिहे पर्यंत नेमकी आग कशाने लागली याची माहिती मिळू शकली नाही. पुढील तपास वणी पोलीस करत आहे.
