नवरगाव (कायर)फाट्याजवळील घटना.
तालुका प्रतिनिधी:- वणी
वणी – कायर मार्गावर नवरगाव फाट्या जवळ काल दिनांक 27 फेब्रुवारी 2023 रोज सोमवारला रात्री 8:30 वाजताच्या सुमारास दुचाकीची उभ्या ट्रकला भीषण धडक या अपघातात एकाचा घटनास्थळीच मृत्यू झाला तर दुसरा गंभीर जखमी झाला आहे.
अजय बंडू खैरे वय सुमारे 23 वर्षे असे दुर्दैवी मृतकाचे नाव आहे.तसेच विजय विठ्ठल टिकले वय सुमारे 22 वर्ष हा तरुण गंभीर जखमी असून ते दोघेही पळसोनी येथील निवासी असल्याची माहिती प्राप्त झाली आहे.
काल कायर मार्गावर नवरगाव एरियात ट्रक उभा होता.कायर वरून दुचाकी क्रमांक MH-34-G-4049 या हिरो होंडा कंपनीच्या दुचाकीने हे दोघे तरुण आपल्या गावाला पळसोनी येथे परतजात होते.त्यांना रस्त्यावरील उभा केलेला ट्रक त्यांच्या निदर्शनास आला नाही आणि ते ट्रकवर आदळले.या भीषण अपघात एकाचा घटनास्थळीच मृत्यू झाला तर दुसरे गंभीर जखमी झाले आहे.
पळसोनी येथिल अजय खैरे व विजय टिकले हे दोघेही तरुण काल सायंकाळी कायर येथे मिस्त्री पाहण्यासाठी गेले होते.अपघात होताच त्यांना रस्त्यांनी ये -जा करणाऱ्यांनी लगेच वणी येथील ग्रामीण रुग्णालयात दाखल करण्यात आले होते पण येथील डॉक्टरांनी अजय याला मृत घोषित केले तर विजय याची प्रकुर्ती गंभीर असल्याने त्याला पुढील उपचारार्थ चंद्रपूर येथे हलविण्यात आले आहे.
घटना घडताच परिसरातील नागरिकांची मोठ्या प्रमाणात गर्दी झाली होती.या घटनेची माहिती मिळताच शिरपूर पोलीस घटनास्थळी दाखल झाले.व पुढील तपास करत आहे.
