मारेगांव येथे तलाठ्यांचे एक दिवसीय धरणे आंदोलन.
सुरेश पाचभाई मारेगाव:-महागाव तालुक्यातील अवैध गौण खनीज प्रकरणामध्ये निलंबित करण्यात आलेल्या एक मंडळ अधिकारी आणि तलाठी यांचे निलंबन त्वरित रद्द करण्यात यावे. या मागणीसाठी मारेगाव तहसील कार्यालयासमोर एक दिवसीय धरणे आंदोलन करण्यात आले.
यवतमाळ जिल्ह्यातील महागाव तहसील कार्यालयामधील एक मंडळ अधिकारी आणि दोन तलाठी यांना अवैध गौण खनीज प्रकरणामध्ये निलंबित करण्यात आले आहे.या निलंबित अधिकाऱ्यांमध्ये एक मंडळ अधिकारी पी.आर.कांबळे आणि दोन तलाठी आर.जी. चव्हाण,डी.बी.चव्हाण यांचे निलंबन करण्यात आले.या निलंबित करण्यात आलेल्या कर्मचारी यांचे निलंबन तात्काळ मागे घेऊन त्यांना कामावर त्वरित रुजू करण्यात यावे.
या मागणीसाठी मारेगाव तहसील कार्यालयासमोर आज दिनांक 2 फेब्रुवारी 2023 रोज गुरूवारला एक दिवसीय धरणे आंदोलन करण्यात आले.या आंदोलनाचे नेतृत्व मंडळ अधिकारी संघाचे जिल्हा उपाध्यक्ष रघुनाथ कांडरकर,तलाठी संघटनेचे उपाध्यक्ष प्रफुल सोयाम,सहसचिव विकास मडावी यांनी केले.यावेळी सर्व मंडळ अधिकारी,सर्व तलाठी उपस्थित होते.
