माडेकर कुटुंबात आनंदाची उधळण
सुरेश पाचभाई, मारेगाव
मारेगाव तालुक्यातील कुंभा येथील माडेकर कुटुंबात आज आनंदाचा आणि उत्साहाचा जल्लोष पाहायला मिळत आहे. कु. श्रीजा उर्फ ओवी जगदीश माडेकर हिचा दुसरा वाढदिवस आज मोठ्या थाटामाटात साजरा करण्यात येत आहे.
अवघ्या दोन वर्षांच्या या चिमुकलीने आपल्या निरागस हास्याने आणि गोंडस खोडकर लीलांनी संपूर्ण कुटुंबाचे मन जिंकले आहे. तिच्या आगमनानंतर घरात आनंद, चैतन्य आणि प्रेमाची सतत उधळण होत असून, तिच्या वाढदिवसानिमित्त आज कुटुंबीयांमध्ये विशेष उत्साहाचे वातावरण निर्माण झाले आहे.
या खास प्रसंगी तिचे आई-वडील सौ. माधुरी व श्री. जगदीश माडेकर यांच्यासह आजी-आजोबा सौ. बेबीताई देवरावजी माडेकर, तसेच मामा-मामी, काका-काकू आणि समस्त माडेकर परिवाराने ओवीवर शुभेच्छांचा वर्षाव केला.
वाढदिवसानिमित्त आकर्षक सजावट, केक कापण्याचा सोहळा आणि आनंदी वातावरणात छोटेखानी पण देखणा कार्यक्रम आयोजित करण्यात आला आहे.ओवीच्या उज्ज्वल भविष्यासाठी सर्व नातेवाईक व मित्रपरिवाराने मनःपूर्वक शुभेच्छा दिल्या.माडेकर कुटुंबासाठी हा दिवस अत्यंत खास ठरत असून, कुटुंबातील एकोपा, प्रेम आणि जिव्हाळ्याचे सुंदर चित्र या निमित्ताने पाहायला मिळत आहे.
“ओवीच्या गोड हसण्यातच कुटुंबाचा खरा आनंद दडलेला आहे,” अशा भावनिक शब्दांत कुटुंबीयांनी आपल्या भावना व्यक्त केल्या.
