सुरेश पाचभाई मारेगांव,
मारेगाव पंचायत समितीचे गटविकास अधिकारी श्री. बी. व्ही. व्हनखंडे यांचावाढदिवस पंचायत समिती कार्यालयातर्फे केक कापून साजरा करण्यात आला.यावेळी पंचायत समितीचे कर्मचारी उपस्थित होते.
पंचायत समितीचे कर्तव्यदक्ष, युवा आणि कार्यतत्पर असलेले गटविकास अधिकारी श्री. बी. व्ही. व्हनखंडे हे मारेगाव पंचायत समितीला येण्यापूर्वी चामोर्शी येथे सहाय्यक गटविकास अधिकारी म्हणून कार्यरत होते. त्यानंतर त्यांची मारेगाव पंचायत समितीला गटविकास अधिकारी म्हणून पदोन्नती होऊन ते 1 जानेवारी 2024 ला रुजू झाले.
अत्यंत मनमिळाऊ,विकासाचा ध्यास घेतलेले,अडलेल्या प्रत्येक कामाला मार्गी लावण्यासाठी प्रयत्न करणारे विकास पुरुष म्हणून मारेगाव तालुक्यामध्ये ख्यातीप्राप्त असे गटविकास अधिकारी बी. व्ही. व्हनखंडे यांचा वाढदिवस साधेपणाने पण तेवढ्याच उत्साहात कर्मचारी वृंदाकडून साजरा करण्यात आला.
