स्पिंकलर पाईप,रासायनीक खत व कुटाराचे नुकसान.
विदर्भ SP न्युज मारेगांव,✍️
सुरेश पाचभाई मारेगांव:-रात्री झालेल्या वादळवाऱ्याने तालुक्यातील घोगुलदरा येथील शेतकऱ्याचे अतोनात नुकसान झालेले आहे.या वादळवाऱ्याने शेतातील बंडा उडून गेला असून स्प्रिंकलर पाईप, रासायनिक खते,आणि कुटारांचेही मोठे नुकसान झाल्याने शेतकऱ्यावर आर्थिक संकट कोसळलेले आहे.
घोगुलदरा येथील येथील शेतकरी मारोती लक्ष्मण तुराणकर असे शेतकऱ्याचे नाव आहे.त्यांचेकडे एकूण 16 एकर शेती आहे. काल दिनांक 27 एप्रिल 2023 रोज गुरुवारला रात्री 7:30 वाजताच्या सुमारास बोटोणी परिसरात सोसाट्याच्या वाऱ्यासह जोरदार पाऊसाने हजेरी लावली.यात तूराणकर यांचे शेतात बंडा आहे.तो काल सोसाट्याच्या वाऱ्यामुळे पूर्ण पणे उडाला व भिंती पण कोसळल्यामुळे यात शेतकऱ्यांचे मोठ्या प्रमाणात आर्थिक नुकसान झाले आहे.
व शेतातील बंड्यात ठेवलेल्या औजारासह स्पिंकलर पाईप,रासायनीक खताच्या 8 बॅग ओल्या झाल्या व कुटाराचे नुकसान झाले आहे.शेतकऱ्याने नुकसानी संदर्भात स्थानिक तलाठी यांना माहिती दिल्याची माहिती आहे.