सुरेश पाचभाई | मारेगाव
मारेगाव तालुक्यातील वेगाव येथे २० वर्षीय शेतकरी पुत्राने गळफास घेऊन आत्महत्या केल्याची दुर्दैवी घटना मंगळवारी (दि. ३० जून) सकाळी सुमारे ६ वाजण्याच्या सुमारास उघडकीस आली. या घटनेमुळे परिसरात शोककळा पसरली आहे.
मृत युवकाचे नाव विश्वास उर्फ सिद्धांत व्यासनाथ मत्ते (वय २०, रा. वेगाव, ता. मारेगाव) असे आहे. त्यांच्या कुटुंबाकडे सुमारे चार एकर शेती असून ते शेतकरी कुटुंबातील होते. त्यांच्या पश्चात आई, वडील व एक बहीण असा परिवार आहे. त्यांच्या अकाली निधनाने कुटुंबावर दुःखाचा डोंगर कोसळला आहे.
त्याच्या आत्महत्येमागील नेमके कारण अद्याप स्पष्ट झालेले नसून घटनेची माहिती मिळताच मारेगाव पोलीस घटनास्थळी दाखल झाले घटनास्थळ पंचनामा करून त्याचा मृतदेह उत्तरीय तपासणीसाठी ग्रामीण रुग्णालय मारेगाव येथे पाठवण्यात आला आहे. सदर प्रकरणाचा पुढील तपास पोलीस निरीक्षक सागर दानडे यांचे मार्गदर्शनाखाली पोलीस उपनिरीक्षक किसन सुनकुरवार पोलीस कॉन्स्टेबल संभा लनगुडे करीत आहेत.