आईविना एक वर्षाचे बाळ झाले पोरके.
विदर्भ एस पि न्युज नेटवर्क:- मारेगांव,
मारेगाव तालुक्यातील कुंभा येथील एका विवाहित महिलेने टाकळी शिवारात असलेल्या शेतातील विहिरीत उडी घेत आत्महत्या केल्याची घटना आज दिनांक 16 ऑक्टोंबर 2023 रोज सोमवारला सकाळी 10 वाजताच्या सुमारास उघडकीस आली असुन
प्रतिभा गणपत मोहूर्ले वय सुमारे वर्ष 31असे आत्महत्या केलेल्या महिलेचे नाव आहे.ती महिला रविवारला रात्रीच्या सुमारास घरातून निघून गेली होती घरचे सगळे झोपत असल्याने तिच्या जाण्याची माहिती कोणालाच लागली नाही.पण मध्यरात्रीच्या सुमारास तिचा छोटा मुलगा रडायला लागला त्या मुळे कुटुंबातील सदस्यांनी तिचा रात्री शोधाशोध घेतली मात्र तिचा रात्रभर थांगपत्ता लागला नाही.
टाकळी शिवारात मोहूर्ले यांचे शेत आहे.त्यांच्या शेतातील विहीरीत प्रतिभाने रात्री उडी घेत जीवनयात्रा संपविली.आज सकाळी शोध घेतला असता तिचा मृतदेह विहिरीत तरंगत असल्याने आत्महत्येची घटना उघडकीस आली.
सदर आत्महत्याग्रस्त महिला ही मानसिक आजाराने ग्रस्त असल्याची माहिती कुटुंबियांनी दिली.प्रतिभाच्या पश्चात पती,एक वर्षाचा मुलगा,चार वर्षाची मुलगी, सासु,सासरे असा आप्तपरिवार आहे.या घटनेचा पुढील तपास ठाणेदार जनार्धन खंडेराव यांचे मार्गदर्शनात बिट जमादार राजू टेकाम करीत आहे.
