मारेगांव तालुका प्रतिनिधी:-गजनान देवाळकर
[8888721480]
मारेगांव: नुकताच घाटकोपर मुंबई येथे राष्ट्रीय समाजरत्न पुरस्कार 2023 हा सोहळा पार पडला असून, ज्ञान उपासना शिक्षण प्रसारक संस्था मुंबई यांच्या वतीने दरवर्षी शैक्षणिक,सामाजिक, साहित्यिक व क्रीडा क्षेत्रातील उल्लेखनीय काम करणाऱ्या व्यक्तीना राष्ट्रीय समाजरत्न पुरस्कार देण्यात येतो.
यावर्षी मनस्वी विशाल पिंपरे या पाच वर्षाच्या मुलीला स्केटिंग मधील उत्कृष्ट कामगिरी व एतिहासिक जागतिक विक्रमाकरिता राष्ट्रीय समाज रत्न पुरस्कार देण्यात आला.या कार्यक्रमाचे प्रमुख अतिथी केंद्रीय न्याय मंत्री मा.रामदासजी आठवले व महाराष्ट्र राज्याचे पर्यटन मंत्री मा.मंगल प्रभात लोढाजी यांच्या हस्ते हा पुरस्कार प्रदान करण्यात आला.
मनस्वी ने आत्तापर्यंत स्केटिंग मधून केलेल्या अष्टपैलू कामगिरी करिता तिची या पुरस्काराकरिता खास निवड करण्यात आली. मनस्वी सध्या मारुती बधे मेमोरियल स्कूल येथे शिकत असून प्रशिक्षक विजय मलजी यांच्या मार्गदर्शनाखाली रॉक ऑन व्हील स्केटिंग अकॅडमी कात्रज, पुणे येथे स्केटिंग प्रशिक्षण घेत आहे.ज्ञान उपासना शिक्षण संस्था अध्यक्ष स्वरूप नेटावटे यांनी तिची निवड केली होती.
ज्ञान उपासना शिक्षण प्रसारक संस्थेने 200 पेक्षा जास्त विद्यार्थ्यांना गुणगौरव पुरस्कार दिला असू दोन हजार पेक्षा जास्त विद्यार्थ्यांना कला व कौशल्य प्रशिक्षण देण्याचे ध्येय ठेवले आहे असे संस्थेचे अध्यक्ष स्वरूप नेटावटे यांनी सांगितले.मनस्वीला हा पुरस्कार मिळाल्याबद्दल तिचे सर्वत्र कौतुक केले जात आहे.
