विदर्भ एस पि न्युज नेटवर्क:- मारेगांव,
मारेगाव येथील कला वाणिज्य महाविद्यालय येथे मुक्तांगण व्यसनमुक्ती केंद्र यांच्या सहकार्याने आयोजित व्यसनमुक्ती व जनजागृती कार्यक्रम आज दिनांक 17 ऑक्टोंबर 2023 रोज मंगळवारला दुपारी 2:15 वाजताच्या सुमारास करण्यात आला.
डॉ.पवन बनसोड पोलीस अधीक्षक यवतमाळ,पियुष जगताप अप्पर पोलीस अधीक्षक यवतमाळ यांची संकल्पना व मार्गदर्शनात मुक्तांगण व्यसनमुक्ती केंद्र यांच्या सहकार्याने आयोजित व्यसनमुक्ती जनजागृती अभियान अंतर्गत नशा मुक्त पहाट सशक्त यवतमाळ नारा व्यसनाला देऊ नका थारा या ब्रीद वाक्याने कला वाणिज्य व विज्ञान महाविद्यालय मारेगाव येथे अभीर देसाई मुक्तांगण येथील समूपदेशक व ठाणेदार जनार्धन खंडेराव यांचे उपस्थितीत हा कार्यक्रम पार पडला.
अबीर देसाई यांनी मुक्तांगण स्थापनेबाबतीत पार्श्वभूमी विषय सांगितले तसेच अल्कोहोल,तंबाखू ,ड्रग्स,इंटरनेट अती वापराचे वेसन या व इतर व्यसणावर उपचार तसेच साध्या सोप्या पद्धतीने करावयाच्या उपचार पद्धती यावर मार्गदर्शन केले.यावेळी बोलताना अबीर देसाई यांनी मुक्तांगण पार्श्वभूमीवर सांगताना डॉक्टर पुलदेशपांडे यांच्या प्रेरणेने डॉक्टर अनिल अवचट व डॉ सुनंदा अवचट यांनी मुक्तांगण स्थापन केले.हा कार्यक्रम पोलीस स्टेशन मारेगाव यांचे वतीने आयोजित करण्यात आला होता.
या कार्यक्रमाला महाविद्यालयातील असंख्य विद्यार्थी विद्यार्थिनी प्राध्यापक गणमान्य व्यक्ती हजर होते.मार्डी चौक येथे सादर केले पथनाट्य कलावाणिज्य महाविद्यालय येथे कार्यक्रम सादर केल्यानंतर महात्मा फुले सामाजिक कार्य विभाग यवतमाळ येथील विद्यार्थ्यांनी मारेगाव येथील मार्डी चौक येथे व्यसनमुक्तीवर पथनाट्य सादर केले.दारू तसेच इतर व्यसनाचे काय दुष्परिणाम समाजावर तसेच कुटुंबियांवर होतात याचे प्रत्यक्ष पथनाट्याद्वारे प्रत्यक्ष सादरीकरण केले.यावेळी बाजारासाठी आलेल्या अनेक महिला पुरुषांनी या पथनाट्याचा आस्वाद घेतला.
