रस्त्यात एक-एक फुटाचे खड्डे रस्त्यात खड्डे की खड्यात रस्ता.
विदर्भ एस.पी. न्यूज मारेगाव,
मारेगांव तालुक्यातील बोटोणी ते सराटी या 4 कि.मी रस्त्याचे काम गेल्या अनेक वर्षापासून करण्यात आले नाही.त्या मुळे या रस्त्यावर मोठ्या प्रमाणात खड्डे निर्माण झालेले आहे.या रस्त्यावर जंगलातील सुमारे 1 कि.मी अंतराचे काम तीन वर्षा आधी करण्यात आले होते पण उर्वरीत 3 कि.मी. चा रस्ता उखडून खड्डे व गिट्टी चे साम्राज्य निर्माण झाले आहे.
सविस्तर वृत्त असे की..
मारेगाव तालुक्यातील बोटोणी ते सराटी हा 4 किमीचा रस्ता आहे. मागील काही वर्षांपासून या रस्त्याचे काम करण्यात आले नाही त्या मुळे हा रस्ता पूर्णपणे उखडलेला आहे.घोन्सा तसेच खंडणी मेंढणी परिसरातील जनतेला बोटोनी अथवा करंजी जाण्यासाठी हाच एकमेव रस्ता आहे.आणि आता हाच रस्ता अखेरची घटका मोजत आहे. यावर्षी पडलेल्या अतिवृष्टी मुळे या 3 किलो मीटर रस्त्याची अवस्था एवढी बिकट झालेली आहे की वाहन दुरच राहीले साधे पायदळ चालणे सुद्धा कठीण होऊन बसले आहे.
हा रस्ता गेल्या अनेक वर्षां पासून तयार करण्यात आला नाही.उखळलेल्या रस्त्याने अनेकांच्या दुचाकी पंचर होत आहे.या मार्गाने जाणाऱ्या चार चाकी वाहन चालकाला मोठी कसरत करत वाहन चालवावे लागत आहे.या मार्गावरील गावकरी नागरिकांना एखाद्याचे आरोग्य बिघडल्यास त्याला तालुक्याच्या ठिकाणी नेण्यास मोठी कसरत करावी लागत आहे.आणि बाहेरगावी शाळेत ये-जा करणाऱ्या विद्यार्थ्यांना खड्यामुळे अथक त्रास सहन करावा लागतो आहे.
हा रस्ता पूर्णपणे उखडून रस्त्यावर मोठ-मोठे खड्डे रस्त्यात तयार झाले आहे.या रस्त्याने पायदळ चालने सुद्धा कठीण बनले आहे. सदर रस्त्यामुळे परीसरातील नागरिकांना नाहक त्रास सहन करावा लागत आहे.या रस्त्याने ये -जा करणाऱ्याला वाटते की रस्त्यात खड्डे की खड्यात रस्ता. हा रस्ता जिल्हा परीषद अंतर्गत येत असुन रस्ता त्वरित दुरुस्त करण्यात यावा अशी परीसरातील नागरिकांची मागणी आहे.
