सुरेश पाचभाई मारेगाव,
मारेगाव तालुक्यात आत्महत्या रोखण्यासाठी प्रशासना कडून ठोस उपाय योजना केल्या जात नाही.तालुक्यात आत्महत्या थांबण्याचे नाव घेत नाही.वेगाव येथील एका 27 वर्षीय युवकाने पळसाच्या झाडाला दोराच्या सहाय्याने गळफास घेऊन आत्महत्या केल्याची घटना आज दिनांक 8 जुलै 2024 रोज सोमवारला सायंकाळी 6.30 वाजताच्या सुमारास घटना उघडकीस आली.
सविस्तर वृत्त असे की..
सतीश दिलीप मेश्राम वय सुमारे 27 वर्ष रा.वेगाव ता.मारेगाव असे गळफास घेऊन आत्महत्या केलेल्या युवकाचे नाव असुन तो शेत मजुरी करून आपल्या कुटुंबाचा उदरनिर्वाह करायचा.बातमी लीहिपर्यंत आत्महत्येचे नेमके कारण कळू शकले नाही.
सतीश यांनी आज घरी संडासला जातो असे सांगून ते वेगाव हेटी लगत एका शेतकऱ्याच्या शेतात गेले. तिथे पळसाच्या झाडाला दोराच्या सहाय्याने गळफास घेवून आत्महत्या केल्याचे कुटुंबियांच्या निदर्शनास आले.त्यांनी या घटनेची माहिती लगेच मारेगाव पोलिसांना दिली माहिती मिळताच पोलीस घटनास्थळी दाखल झाले.
पंचनामा करुन शव उत्तरीय तपासणी साठी मारेगाव येथील ग्रामीण रुग्णालयात हलविण्यात आले आहे.मृतक शेतकरी सतीश यांचे पश्चात आई,वडिल,पत्नी, दोन मुली असा आप्त परिवार आहे.या प्रकरणाचा पुढील तपास ठाणेदार शंकर पांचाळ यांचे मार्गर्शनाखाली जमदार अफजल पठाण करीत आहे.
