दापोरा जवळील उपाशा पुला जवळील सकाळी 11 वाजताची घटना
तहसीलदारव पोलीस प्रशासन घटनास्थळी दाखल
सुरेश पाचभाई मारेगाव,
मारेगाव तालुक्यातील दापोरा फाट्या जवळ असलेल्या उपाश्या पुलाच्या बाजूने पशुधन शेतात घेउन जाणारा शेतकरी पाण्याच्या वाहून गेल्याची घटना आज दिनांक 29 जुलै 2024 रोज सोमवारला सकाळी 11 वाजताचे सुमारास घडली होती.अखेर त्यांचा मृतदेह दुपारी 2 वाजताच्या सुमारास आढळला.
मेघश्याम नारायण वासाड वय अंदाजे 58 वर्ष रा.चिंचमंडळ असे मृतदेह आढळलेल्या शेतकऱ्याचे नाव आहे.तालुक्यात गेल्या दहा दिवसापासून सतत पाऊस सुरू असून तालुक्यातील नदी,नाले तुडुंब भरून वाहत आहे.अशातच चिंचमंडळ येथील शेतकरी मेघश्याम हे आपले पशुधन घेवून शेतात जात असताना सकाळी 11 वाजताच्या सुमारास ते पुरात वाहून गेले होते.
सदर घटनेची माहिती तहसीलदार उत्तम निलावाड व पोलीस प्रशासनाला मिळतात ते लगेच घटनास्थळी दाखल झाले.त्यांचा शोधा शोध घेतला असता अखेर मृतदेह आज दुपारी 2 वाजताच्या सुमारास सापडला त्यामुळे चिंचमंडळ गावामध्ये शोकाकळा पसरली आहे.पोलिसांनी सदर घटनेचा घटनास्थळ पंचनामा करून त्यांचा मृतदेह उत्तरीय तपासणीसाठी मारेगाव येथील ग्रामीण रुग्णालयात पाठवण्यात आला आहे. त्यांच्या पश्चात पत्नी,एक मुलगा, दोन विवाहित मुली,नातवंड असा आप्त परिवार आहे.या प्रकरणाचा पुढील तपास ठाणेदार शंकर पांचाळ यांच्या मार्गदर्शनात राजु टेकाम,रजनीकांत पाटील करीत आहे.
