सुरेश पाचभाई मारेगाव,
मारेगाव तालुक्यातील बोटोणी येथील जंगल परिसरामध्ये असलेले मारोती मंदीर (जुन्या रिठ) जवळील नाल्यात वाघाचा मृतदेह आढळल्याची घटना आज दिनांक 29 जुलै 2024 रोज सोमवारला सकाळच्या सुमारास उघडकीस आली.बोटोनी चिंचोनी परिसरामध्ये मोठे जंगल आहे.तेथे वाहत असलेल्या नाल्यामध्ये वाघ मृत अवस्थेत आढळून आला.वाघाच्या मृत्यूने परिसरात खळबळ माजली आहे.
बोटोनी परिसरामध्ये मोठा जंगल परिसर आहे.तेथे मोठया प्रमाणात वन्य प्राण्यांचा वावर आहे.तेथे असलेल्या एका नाल्यामध्ये अंदाजे 4 वर्ष वयाचा वाघ मृतावस्थेत आढळून आला.वाघाच्या मानेवर जखम दिसून आली.त्यामुळे वाघ हा जंगलातून जातांना किंवा कोठे जातांना त्याच्या मानेला काहीतरी लागले असावे असा कयास व्यक्त केला जात आहे.
जंगलामध्ये वाघ हा फिरत असतांना त्याच्या मानेला शेताला कुंपण करतात तो तार किंवा इतर तीक्ष्ण वस्तू लागली असावी त्यामुळे त्याच्या मानेला जखम झाली.या जखमेच्या अति रक्त स्त्रावाने वाघाचा मृत्यू झाला असावा असा कयास वनपरीक्षेत्र अधिकारी शंकर हटकर यांनी व्यक्त केला आहे.या वाघावर बोटोनी येथेच पंचनामा करण्यात येणार आहे.