सुरेश पाचभाई मारेगाव,
वणी – यवतमाळ रस्त्याच्या दरम्यान असलेल्या आणि मारेगाव वरून फक्त 5 ते 6 किमीच्या अंतरावर असलेली खडकी फाट्याजवळील टेकडी समोरील खुली जागा हे लैला मजनूचा अड्डा बनलेली आहे. प्रेमाचा बहर या टेकडीवर नित्याचाच झालेला आहे.मात्र या रस्त्याने शेतामध्ये ये जय करणाऱ्या महिलांना या रोड रोमियोंमुळे लज्जेने मान खाली घालावी लागत आहे. याकडे लक्ष देण्याची गरज निर्माण झाली आहे.
मारेगाव तालुक्यातील खडकी बस थांबा पासून अवघ्या 250 मीटर अंतरावर शासकीय गायरान पठार व बंद पाडलेल्या खदान असून ते खापरी हद्दीतील सगनापूर ग्रामपंचायत अंतर्गत येतात.या ठिकाणी अनेक आंबट शौकीन हे दुचाकी व चार चाकी वाहनाने अश्लील चाळे करण्यासाठी बाहेर गावावरून येतात.अनेक हौशी तरुण तरुणी विद्यार्थी मोठ्या प्रमाणात अश्लील चाळे करण्यासाठी तसेच लैंगिक भूक भागवण्यासाठी या मोकळ्या मैदानाचा वापर करत आहे.
यवतमाळ – वणी राज्य महामार्गा पासून हाकेच्या अंतरावर हे अश्लील चाळे करत असतात.या मार्गाने येणाऱ्या जाणाऱ्या व्यक्तींना यांचे अश्लील चाळे निदर्शनास येत आहे.त्यामुळे तालुक्यातील कॉलेज मध्ये शिक्षण घेणाऱ्या विद्यार्थी-विद्यार्थिनी यांचेवर पालकांनी लक्ष ठेवण्याची आवश्यकता आहे.या ठिकाणी एखादी अनुचित प्रकारची घटना घडण्याची शक्यता नाकारता येत नाही.त्यामुळे संबंधित विभागाने याकडे लक्ष केंद्रित करण्याची व या लैला मजनू वर आवर घालण्याची अत्यंत गरज असल्याची परिसरातील जनतेची मागणी आहे
