मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील देवाळा येथील युवा शेतकऱ्याने नापिकी व जीवनाला कंटाळलेल्या शेतकऱ्याने विषारी कीटकनाशक प्राशन करून स्वतःचे जीवन संपविले. ही घटणा आज दिनांक 28 डिसेंबर 2022 रोज बुधवारला सकाळी 10 वाजताच्या सुमारास उघडकीस आली.
सविस्तर वृत्त असे की.
जनार्दन कवडू महाकुलकर वय सुमारे 38 वर्षे रा.देवाळा असे आत्महत्या करणाऱ्या तरुण शेतकऱ्याचे नाव असून तो नेहमी प्रमाणे सकाळी घरुन शेतात गेला होता स्वतःचा शेतात कीटकनाशक प्राशन केलेल्या अवस्थे मध्ये शेतात पडून असल्याचे कुटुंबातील सदस्यांच्या व आजु बाजुच्या शेतातील शेतकऱ्याचा निदर्शनास येताच घटना उघडकीस आली.
त्यांनी लगेच त्याला मारेगांव येथील ग्रामीण रुग्णालयात दाखल करण्यासाठी आणत असताना त्याचा रस्त्यातच मृत्यू झाला.असून त्यांच्या वडीलांच्या नावाने देवाळा येथे सुमारे 5 एकर शेती असल्याची माहिती सूत्रांनकडून प्राप्त झाली आहे.
यावर्षी पडलेला अती वृष्टी व ओला दुष्काळ आणि मागील काही वर्षांपासून होत असलेली नापिकी यामुळे तो आणि कुटुंबीय कर्जाच्या खाईत लोटलेले होते.जनार्दन यांच्या पश्चात आई-वडील,पत्नी,एक मुलगा व एक मुलगी असा आप्त परिवार आहे. पुढील तपास ठाणेदार राजेश पुरी यांच्या मार्गदर्शनाखाली जामदार राजु टेकाम करत आहे.
