तालुक्यातील केगांव येथील घटना
सुरेश पाचभाई मारेगाव
मारेगाव तालुक्यातील केगाव येथील अल्पभूधारक शेतकऱ्याने स्वतःच्या शेतात कीटकनाशक प्राशन करून आपली जीवनयात्रा संपविल्याची घटना आज दिनांक 11 फेब्रुवारी 2025 रोज मंगळवारला सकाळी 9:30 वाजता उघडकीस आली.
पवन आण्याजी पिंपळशेंडे वय अंदाजे 35 वर्षे असे विषारी कीटकनाशक प्राशन करून आत्महत्या केलेल्या अल्पभूधारक शेतकऱ्याचे नाव आहे.
पवन याचे कडे चार एकर शेती असल्याची माहिती आहे.तो शेती करून आपल्या कुटुंबाचा उदरनिर्वाह करायचा.आज सकाळी तो शेतात जातो म्हणून घरी सांगून गेला होता. त्याने स्वतःचे शेतात मोनोसील नामक कीटकनाशक प्राशन करून आपली जीवन यात्रा संपवली.
कुटुंबातील काही सदस्य शेतात गेले असता सदर घटना उघडकीस आली. त्याच्या आत्महत्येने गावात हळहळ व्यक्त केली जात आहे.मृतक पवन यांच्या पश्चात आई,पत्नी, एक मुलगा असा आप्त परिवार आहे. सदर प्रकरणाचा पुढील तपास ठाणेदार संजय सोळंके यांचे मार्गदर्शनाखाली जमादार आनंद अलचेवार करीत आहे.
