पांडुरंग आवारी यांना मातृशोक
सुरेश पाचभाई |मारेगाव
मारेगाव तालुक्यातील नवरगाव येथील ज्येष्ठ व आदर्श व्यक्तिमत्त्व तानेबाई मारोती आवारी (वय ९८) यांचे वृद्धापकाळाने रविवारी (दि. ११ जानेवारी २०२६) रात्री १०.३० वाजता दुःखद निधन झाले. त्यांच्या निधनाने नवरगाव गावासह परिसरात शोककळा पसरली असून सर्वत्र हळहळ व्यक्त करण्यात येत आहे.
तानेबाई आवारी या शांत, कष्टाळू व संस्कारक्षम व्यक्तिमत्त्व म्हणून परिसरात परिचित होत्या. त्यांच्या दीर्घायुष्याने अनेक पिढ्यांना मार्गदर्शन लाभले. त्यांच्या जाण्याने गावाने एक ज्येष्ठ मार्गदर्शक गमावला आहे.
सोमवारी (दि. १२ जानेवारी २०२६) दुपारी १२.३० वाजता नवरगाव येथील स्मशानभूमीत त्यांच्या पार्थिवावर अंत्यसंस्कार करण्यात येणार आहेत.त्या पांडुरंग आवारी यांच्या मातोश्री होत्या. त्यांच्या पश्चात एक मुलगा, दोन मुली, सुन, नातवंडे असा मोठा आप्तपरिवार आहे.
