कोसारा(सोईट) येथे ५३ वर्षीय व्यक्तीची गळफास घेऊन आत्महत्या

सुरेश पाचभाई मारेगाव,

मारेगाव तालुक्यातील शेवटच्या टोकाला असलेले गाव कोसारा (सोईट) येथील एका वृद्धाश्रमात गेल्या काही महिन्यांपासून कामावर असलेल्या राजेश पांडुरंग बुरबादे वय सुमारे ५३ वर्ष रा.ता.धामणगाव (रेल्वे) जि.अमरावती यांनी आश्रमाच्या मागच्या बाजूला असलेल्या कडू निंबाच्या झाडाला गळफास घेऊन आत्महत्या केल्याची घटना आज दिनांक १३ जून २०२४ रोज गुरुवारला सकाळी उघडकीस आली.

सदर घटनेची माहिती मारेगाव पोलिसांना मिळताच पोलीस लगेच घटनास्थळी दाखल झाले.घटनास्थळ पंचनामा करून मृतदेह शवविच्छेदना करीता मारेगाव येथील ग्रामीण रुग्णालयात पाठविण्यात आला आहे. बातमी लिहेपर्यंत त्यांच्या आत्महत्येचे कारण कळू शकले नाही.या घटनेचा पुढील तपास ठाणेदार शंकर पांचाळ यांचे मार्गदर्शनात जामदार राजू टेकाम करीत आहे.