सुरेश पाचभाई मारेगाव
मारेगाव :स्वच्छता ही सेवा अभियानांतर्गत ‘एक दिवस एक तास एक साथ’ या उपक्रमाचे आयोजन नगरपंचायतीच्या वतीने आज करण्यात आले. शहरातील सिडाणा कॉम्प्लेक्स परिसरात घेण्यात आलेल्या या स्वच्छता मोहिमेत नागरिकांसोबत नगरपंचायतीचे सर्व अधिकारी व कर्मचारी उत्साहाने सहभागी झाले.
या उपक्रमाला नगराध्यक्ष डॉ. मनीष मस्की, मुख्याधिकारी शशिकांत बाबर (मशप्रसे), नगरसेवक हेमंत नरांजे, नगरसेविका माला बदकी यांची प्रमुख उपस्थिती होती. नागरिकांच्या श्रमदानातून शहर स्वच्छ ठेवणे किती सोपे आहे, याची प्रचिती या मोहिमेतून आली.
मुख्याधिकारी शशिकांत बाबर यांनी यावेळी नागरिकांना आवाहन केले की, “गाव करी ते राव न करी” या उक्तीप्रमाणे शहर स्वच्छतेसाठी प्रत्येकाने पुढे यावे. सर्वांच्या साथीने आपले शहर स्वच्छ व सुंदर ठेवणे सहज शक्य आहे. शहराची स्वच्छता ही केवळ प्रशासनाची नाही, तर सर्व नागरिकांची सामूहिक जबाबदारी आहे, असे ते म्हणाले.
