कायदा-सुव्यवस्थेसाठी चोख बंदोबस्त
सुरेश पाचभाई मारेगाव
मारेगाव : आगामी ईद-ए-मिलाद उत्सवाच्या पार्श्वभूमीवर शहरातील कायदा व सुव्यवस्था अबाधित राहावी तसेच नागरिकांमध्ये सुरक्षिततेची भावना निर्माण व्हावी, यासाठी मारेगाव पोलिसांनी मंगळवारी (दि. २५ ऑगस्ट २०२६) शहरातून दमदार रूट मार्च काढला.
ठाणेदार सागर दानडे यांच्या मार्गदर्शनाखाली आयोजित करण्यात आलेल्या या रूट मार्चमध्ये पोलीस उपनिरीक्षक रवी बोरकुले, पोलीस कर्मचारी, महिला पोलीस कर्मचारी तसेच होमगार्ड मोठ्या संख्येने सहभागी झाले होते. पोलिसांच्या शिस्तबद्ध संचलनामुळे शहरातील प्रमुख मार्गांवर सुरक्षा व्यवस्थेचा ठसा उमटला.
सदर रूट मार्चला मारेगाव पोलीस स्टेशन परिसरातून सुरुवात झाली. त्यानंतर डॉ. बाबासाहेब आंबेडकर चौक, गोशिया मस्जिद चौक, कलाम चौक, जुनी वस्ती, नगरपंचायत चौक, मार्डी चौक आदी प्रमुख भागातून मार्गक्रमण करत पुन्हा मारेगाव पोलीस स्टेशन येथे रूट मार्चची सांगता करण्यात आली.
उत्सवाच्या काळात शांतता व सामाजिक सलोखा कायम राखण्यासाठी तसेच कोणताही अनुचित प्रकार घडू नये यासाठी पोलिस प्रशासन सतर्क असून, नागरिकांनीही कायदा व सुव्यवस्था राखण्यासाठी पोलिसांना सहकार्य करावे, असे आवाहन करण्यात आले आहे. मारेगाव पोलिसांच्या या दमदार रूट मार्चमुळे शहरात सुरक्षिततेचा विश्वास अधिक दृढ झाला आहे.
