सुरेश पाचभाई, मारेगाव
मारेगाव तालुक्यातील हिवरी पोड येथे 26 नोव्हेंबर 2025 रोजी शामा दादा जयंती तसेच संविधान दिन मोठ्या उत्साहात आणि सामाजिक ऐक्याचा संदेश देत साजरा करण्यात आला. आदिवासी समाजात संविधानिक मूल्यांची जपणूक, शिक्षणाचे महत्त्व आणि समाजजागृती या हेतूंनी कार्यक्रमाचे आयोजन करण्यात आले.
कार्यक्रमाचे अध्यक्षस्थानी झिंघुजी रामपुरे उपस्थित होते. माजी सरपंच राजाराम आत्रम यांच्यासह तुळशीराम टेकाम, नानाजी आत्रम, देविदास आस्वले, लक्ष्मण मेश्राम, अरुण रामपूरे आणि विलास रामपूरे यांनी मार्गदर्शन करत सामाजिक एकता, घटनात्मक हक्क–कर्तव्ये आणि शिक्षणाचे महत्त्व यावर भर दिला.
संविधान दिनानिमित्त भारतीय संविधानातील मूलभूत अधिकार, कर्तव्ये आणि सामाजिक न्याय यांविषयी नागरिकांना सविस्तर माहिती देण्यात आली.
कार्यक्रमाचे संयोजन विनोद भागवत, प्रदीप नगराळे, ईश्वर थेरे व आशिष सोनटक्के यांनी केले. आभार प्रदर्शन ईश्वर थेरे यांनी केले.
