बातमी ऐका (Marathi Voice Reader)
सातारा जिल्ह्यातील जावळी तालुक्यात मंत्री शिवेंद्रराजे भोसले यांना धक्का बसला आहे. कुसुंबी जिल्हा परिषद गटात अर्चना ज्ञानदेव रांजणे यांचा पराभव झाला आहे. या जिल्हा परिषद गटात उपमुख्यमंत्री एकनाथ शिंदे आणि राष्ट्रवादी कॉंग्रेस शरद पवार गटाचे प्रदेशाध्यक्ष शशिकांत शिंदे यांचा दबदबा पाहायला मिळाला. कुसुंबी जिल्हा परिषद गटातून जिल्हा मध्यवर्ती बँकेचे संचालक असलेले ज्ञानदेव रांजणे यांच्या पत्नीचा पराभव झाला आहे. सातारा जावळीचे आमदार मंत्री शिवेंद्रराजे भोसले यांचे निकटवर्तीय अर्चना ज्ञानदेव रांजणे यांचा पराभव झाला असून, या गटात शिवसेनेच्या कविता ओंबळे या विजयी झाल्या आहेत. या निवडणुकीत एकनाथ शिंदे आणि शशिकांत शिंदे यांनी एकत्र येत कविता ओंबळे यांना उमेदवारी दिली होती. या निवडणुकीत कुसुंबी गटात भाजपला चांगलाच धक्का बसला आहे. ज्ञानदेव रांजणे यांनी सातारा जिल्हा मध्यवर्ती बँक निवडणुकीत शशिकांत शिंदे यांचा पराभव केला होता. दरम्यान, मंत्री जायकुमार गोरे यांचे बंधू अरुण गोरे यांचा माण तालुक्यातील कुकुडवाड गटात पराभव झाला आहे. या गटातून राष्ट्रवादी कॉंग्रेसचे अनिल देसाई विजयी झाले आहेत. औंध गटात सुद्धा जयकुमार गोरे यांना आणखी एक धक्का बसला आहे. औंध गटात त्यांचे बंधू अंकुश गोरे यांच्या पत्नी भारती गोरे यांचा 40 मतांनी पराभव झाला आहे. तर औंध गटात मनिषा फडतरे या राष्ट्रवादी कॉंग्रेसकडून विजयी झाल्या आहेत. तर जिल्हा मध्यवर्ती बँकेचे संचालक शेखर गोरे यांच्या पत्नी सोनल गोरे आंधळी गटातून भाजपकडून विजयी झाल्या आहेत. तब्बल 18 हजार मताधिक्याने त्यांनी हा विजय मिळवला आहे. सोनल गोरे यांच्या उमेदवारीला जयकुमार गोरे यांनी तीव्र विरोध केला होता. तर तिकडे शंभुराज देसाई यांनी पाटण पंचायत समितीत सत्तांतर घडवून आणले आहे.
