बातमी ऐका (Marathi Voice Reader)
शुद्ध म्हणून तांब्याचे बार सराफा बाजारात जोरदार विकले गेले; पण ते पुन्हा तुम्हीच खरेदी करणार का? अशी विचारणा झाली तेव्हा सराफांनी त्याची हमी घेतली नाही.भांडी व्यावसायिकांकडेच (कासार) एक किलोच्या बारमागे किमान 300 रुपये घटीने मोड द्यावी लागेल. मात्र सोने-चांदीप्रमाणे या धातूची शुद्धता तपासता येईल, असे सराफा व्यावसायिकांनी सांगितले. पर्यायी धातू म्हणून अचानक तांबे समोर आल्यानंतर त्याच्या किमतीत वाढ होऊन ते थेट सराफा व्यावसायिकांकडे 1, 3 आणि 5 किलोच्या बारमध्ये विक्रीसाठी उपलब्ध झाले. भविष्यात त्यातही तेजी येईल असे गृहीत धरून अनेकांनी गुंतवणूक केली आहे. सोने-चांदीने जानेवारीत उच्चांक गाठला.सोलर, इलेक्ट्रिक वाहन उत्पादनात चांदीला पर्याय म्हणून कॉपरचे (तांबे) दर वाढले. खरेदी सराफातील दराने, पण विक्री एमसीएक्सनुसार सध्यातरी तांब्याच्या बारवर अधिकृत (काही अपवाद वगळता) शुद्धतेबाबत खात्री दिलेली नाही. पण पारंपरिकपणेटंच काढून किंवा बीआयएस हॉलमार्क केंद्रावर शुद्धता तपासता येऊ शकेल अशी माहिती व्यावसायिकांनी दिली. मोड एमसीएक्स दराने मिळते गेल्या आठवड्यापासून मात्र तांब्याचे मार्केट थंडावले आहे. 2 हजार रुपये किलोला मिळणारा 1 किलोचा तांब्याचा बार आता 1850 रुपयांना उपलब्ध आहे. खरेदीसाठी फिजिकल मार्केटप्रमाणे दर आहे. पण विक्रीसाठी एमसीएक्सवरील (वायदा बाजार) दरानुसार 300 ते 500 रुपये घटीने ग्राहकांना परतावा मिळेल.
– तेजस कासार, व्यावसायिक, जळगाव शुद्धता तपासण्याची पद्धत वातावरणात दोन्ही धातू काळे पडतात अशी चांदी व तांब्याची शुद्धता तपासण्यासाठी पारंपरिक अशास्त्रीय पद्धत आहे. तांबे व चांदी मोकळ्या जागेवर दोन ते तीन दिवस ठेवल्यास हवेच्या संपर्काने काळी पडल्यास ते शुद्ध असते अशी जाणकारांमध्ये मान्यता आहे. एक किलोच्या तांबे बारची प्रथमच विक्री गेल्या दीड महिन्यात शहरात 25 ते 30 सराफांसह कासार व्यावसायिकांनी तांबे बार विक्री सुरू केली आहे. एक किलो बारच्या स्वरूपात तांबे (कॉपर) प्रथमच विकले जात असताना सराफा व्यावसायिक त्याच्या पुनर्खरेदीची हमी घेत नाहीत. ते विक्रीसाठी जुनी भांडी घेणाऱ्या दुकानावर त्याची मोड द्यावी लागेल, असे येथील सराफा व्यावसायिक विश्वास लुंकड यांनी स्पष्ट केले आहे.
