बातमी ऐका (Marathi Voice Reader)
अलाईमेंट बदलावरुन चर्चेत आलेला अन् प्रशासनावर टीकेची झोड उठलेला 65.1 किमीचा बाह्य रिंग रोड हा नाशिकच्या विकासाला नवी दिशा देणारा ठरणार आहे. या रिंग रोडचे 2609 चौ. किमी इतके प्रभाव क्षेत्र तयार होणार आहे. यातून 8000 कोटींच्या गुंतवणुकीची अपेक्षा असून त्यातून रोजगार वाढीसह जिल्ह्याच्या जीडीपीलाही बुस्ट मिळेल. त्यादृष्टीने जिल्हा प्रशासनाचे नियोजन सुरू आहे. सिंहस्थानिमित्ताने शहराच्या बाह्य बाजूने उभारण्यात येणाऱ्या 65.1 किमी रिंगरोडची प्रक्रिया अत्यंत वेगाने सुरु झाली आहे. जेथे जमीन मालकांची संमती मिळाली तेथे अलाईंमेंट निश्चितीसह भू-संपादन आणि मोजणीलाही सुरुवात झाली आहे. काही ठिकाणी अलाईमेंट बदलल्याने नाराज असलेल्या जमीन मालकांचे प्रशासनाकडून मत परितवर्तन केले जात आहे. हारिंगरोड संबधित जमीन मालकांसह जिल्ह्याच्या विकासाच्या दृष्टीने किती महत्वाचा आहे, हे पटवून देण्याचाही प्रयत्नही होत आहे. महाराष्ट्र स्टेट इन्फ्रास्टक्चर डेव्हलपमेंट कॉर्पोरेशन ( एमएसआयडीसी) कडून हा रस्ता उभारला जात आहे. तर जिल्हा नियोजन समितीद्वारे जिल्हा विकासासाठी यारिंगरोडचा कसा उपयोग होईल, नाविन्यपुर्ण किंवा इतर विकासाच्या योजनांतून या रिंगरोडवरील विविध व्यावसाय कुठे सुरु केले जातील, यासाठीचा आराखडा तयार करत त्याची निश्चिती केली जात आहे.
येथे अधिक संधी नाशिक सिन्नर मुंबई-आग्रामहामार्ग इगतपुरी त्र्यंबकेश्वर दिंडोरी निफाड या भागाला अधिक संधी. रिंग रोडवर येईल मोठी गुंतवणूक हा रिंग रोड नाशिकच्या सर्वांगीण विकासाला नवी दिशा देणारा आहे. साधारणत: प्रकल्पपूर्तीनंतर या रिंगरोडवर 8000 कोटींची गुंतवणूक येईल,असा अंदाज आहे. – आयूष प्रसाद, जिल्हाधिकारी 25 गावांचा विकास आडगाव, देवळाली, विहीतगाव, पाथर्डी, मखमलाबाद या शहरातील भागातून रिंग रोड जात असल्याने येते वेगाने विकास. 2027 पर्यंत प्रकल्पपूर्ती; त्यानंतर उद्योग उभारणी मार्च 2027 पर्यंत रिंग रोड प्रकल्प पूर्ण करण्याचे लक्ष्य आहे. प्रकल्पाच्या पूर्ततेनंतर, योग्य क्षमता आणि संधी उपलब्ध असलेल्या क्षेत्रांत तातडीने नवनवीन उद्योगांची उभारणी होईल. जिल्हा नियोजन समितीच्या वतीने जिल्ह्याच्या विकासासाठी या रिंग रोडचा कसा उपयोग करता येईल, नावीण्यपूर्ण किंवा विकासाच्या इतर योजनांमधून या रिंग रोडवर विविध व्यवसाय कुठे सुरू केले जातील, यासाठीचा आराखडा तयार केला जात आहे.
