सुरेश पाचभाई मारेगाव
मारेगाव तालुक्यातील मौजा खापरी येथे उभारण्यात आलेल्या 33 केव्ही सबस्टेशनच्या नामफलकावरील गावाच्या नावातील अखेर दुरुस्त करण्यात आली असून आज दि. 15 एप्रिल रोजी नव्या नामफलकाचे उद्घाटन उत्साहात पार पडले. ग्रामस्थांच्या सातत्यपूर्ण पाठपुराव्यामुळे प्रशासनानी नावात सुधारणा करण्यात आली.
खापरी ग्रामपंचायतीने ग्रामसभेच्या ठरावाद्वारे सबस्टेशनसाठी जागा उपलब्ध करून दिली होती. मात्र प्रत्यक्षात सबस्टेशन खापरीच्या हद्दीत असतानाही नामफलकावर चुकीचे गावाचे नाव नमूद करण्यात आले होते. यामुळे ग्रामस्थांमध्ये तीव्र नाराजी पसरली होती. “गावाची ओळखच चुकीची दाखवली जात असल्याने ही बाब आम्हाला मान्य नव्हती,” अशी भावना नागरिकांनी व्यक्त केली.
स्थानिक नागरिकांनी एकत्र येत महावितरण कार्यालय, मारेगाव येथील अधिकाऱ्यांना निवेदन देत ‘33 केव्ही सबस्टेशन खापरी’ असे योग्य नाव नमूद करण्याची ठाम मागणी केली होती. अखेर प्रशासनाने या मागणीची दखल घेत सकारात्मक निर्णय घेतला आणि नामफलकावरील नाव दुरुस्त केली.
आज झालेल्या उद्घाटन सोहळ्याला सगणापूर ग्रामपंचायतचे सरपंच दादाराव कपलूजी टेकाम, इजि. सुरेश पाचभाई, ग्रामसेवक नयन पेंदोर, महावितरणचे उपकार्यकारी अभियंता श्यामसुंदर कुर्रा, सहाय्यक अभियंता अतुल आत्राम, प्रधान यंत्रचालक ज्ञानदेव बिहाडे, यंत्रचालक पी.व्ही. पारेलवार तसेच प्रकाश काळे, अनंत खाडे आदी मान्यवर उपस्थित होते.या दुरुस्तीमुळे ग्रामस्थांनी समाधान व्यक्त करत प्रशासनाचे आभार मानले.
