प्रभु श्रीरामलल्ला मुर्ती प्राण प्रतिष्ठा राम मंदीर लोकार्पण सोहळा
सुरेश पाचभाई मारेगाव,
मारेगाव:-येथील हनुमान मंदिरात आज दिनांक २२ जानेवारी २०२४ रोज सोमवारला अयोध्या येथे श्रीराम मंदिर लोकार्पण सोहळा व श्रीराम मुर्ती प्राणप्रतिष्ठा निमित्त शिवसेना व मनसेच्या वतीने विविध कार्यक्रमाचे आयोजन करण्यात आले होते.
अयोध्या येथील राम मंदिर लोकार्पण सोहळा व श्रीराम मुर्ती प्राणप्रतिष्ठा सोहळ्यानिमीत्त मारेगांव येथे हनुमान मंदीरात शिवसेनेच्या वतीने भाविकांना १० क्विंटल साखरेचे मोफत वाटप करण्यात आले.यावेळी मारेगांव तालुका शिवसेना नेते गजानन किन्हेकार,तालुका प्रमुख विशाल किन्हेकार,नगरसेविका सुनिता किन्हेकार,तालुका उपाध्यक्ष विजय मेश्राम,यांच्या सह शिवसेनेचे अनेक कार्यकर्ते उपस्थित होते.
तसेच मनसेच्या वतीने हनुमान मंदिरात सकाळी पंचकुंडीय महायज्ञ होम हवन करण्यात आले.यावेळी तालुकाध्यक्ष रुपेश ढोके यांनी सपत्नीक तसेच नागरिकाद्वारे पंचकुंडीय महायज्ञ हवन करण्यात आले. कार्यक्रमाला मनसेचे नेते राजु उंबरकर यांनी भेट देऊन श्रीराम प्राणप्रतिष्ठा निमित्य जनतेला शुभेच्छा दिल्या, हा कार्यक्रम यशस्वी करण्यासाठी जिल्हा उपाध्यक्ष संतोष रोगे, शहर अध्यक्ष चांद बहादे, आकाश खामनकर यांचे सह मनसैनिक मोठ्या संख्येने उपस्थित होते, कार्यक्रमाची सांगता महाप्रसाद वाटप करून करण्यात आली.