सुरेश पाचभाई मारेगाव
मारेगाव तालुक्यातील सगनापूर येथील ज्येष्ठ व प्रतिष्ठित नागरिक तसेच माजी पोलीस पाटील रामचंद्र बापूराव मत्ते (वय ८६) यांचे दीर्घ आजाराने मंगळवार, दिनांक २२ एप्रिल २०२६ रोजी दुपारी २.३० वाजता दुःखद निधन झाले.
त्यांच्या निधनाने संपूर्ण सगनापूर परिसरावर शोककळा पसरली आहे.
रामचंद्र मत्ते यांनी आपल्या कार्यकाळात पोलीस पाटील म्हणून गावाच्या सामाजिक व प्रशासकीय कामकाजात महत्त्वाची भूमिका बजावली होती. त्यांच्या शांत, संयमी आणि लोकाभिमुख स्वभावामुळे ते सर्वांच्या आदराचे केंद्र होते.
त्यांच्या पश्चात दोन मुले, तीन मुली असा मोठा परिवार असून त्यांच्या जाण्याने कुटुंबीयांवर दुःखाचा डोंगर कोसळला आहे. गावातील विविध क्षेत्रातील नागरिकांनी त्यांच्या निधनाबद्दल हळहळ व्यक्त केली.
त्यांच्या पार्थिवावर सगनापूर येथील मोक्षधामात काल सायंकाळी ६ वाजता शोकाकुल वातावरणात अंत्यसंस्कार करण्यात आले.
