ग्रामसेवक,कर्मचारी,संगणक परिचालक,ग्रामरोजगार सेवक यांच्यासह सरपंच परिषदही संपात
सुरेश पाचभाई मारेगाव,
महाराष्ट्रामध्ये प्रथमच ग्रामपंचायत स्तरावर कामकाज करणाऱ्या सर्व कर्मचारी संघटना यामध्ये ग्रामसेवक युनियन सर्व,संगणक परिचालक संघटना,ग्रामरोजगार सेवक संघटना सर्व,ग्रामपंचायत कर्मचारी संघटना सर्व तसेच अखिल भारतीय सरपंच परिषद ग्रामपंचायत सदस्य यांनी एकत्रीत रित्या विविध प्रलंबीत न्याय मागण्यासाठी सरकारचे लक्षवेध करण्यासाठी दि.१८ डिसेंबर २०२३ ते २० डिसेंबर २०२३ या तीन दिवसाचे ऐतिहासीक कामबंद आंदोलन करण्याचा निर्णय घेण्यात आलेला आहे.
ग्रामपंचायत विकासाचा महत्वाचा भाग असुन सुध्दा ग्राम पातळीवर काम करणाऱ्या कर्मचारी यांच्या न्याय मागण्या सातत्याने प्रलंबीत ठेवल्या जात आहेत.त्याकरिता १८/१२/२०२३ ते २०/१२/२०२३ या तीन दिवसाचे कामबंद आंदोलनामध्ये महाराष्ट्र राज्य ग्रामसेवक यूनियन डि.एन.ई.१३६ तालुका शाखा-मारेगांव अंतर्गत सर्व ग्रामसवेक व ग्रामविकास अधिकारी सहभागी झाले आहेत.तसेच मारेगाव येथील पंचायत समिती समोर करण्यात आलेल्या काम बंद आंदोलनात ग्रामपंचायत कर्मचारी आपल्या हक्काच्या मागण्याकरिता गावपातळीवरील ग्रामपंचायत कार्यालय बंद करण्यात आले.
या मध्ये सरपंच, ग्रामसेवक, ग्रामपंचायत कर्मचारी, संगणक ऑपरेटर सहभागी झाले.असुन काम बंद आंदोलनात प्रभागनिहाय निधी, विमा संरक्षण, विभागातून सरपंच आमदार, सरपंच भवन, पीएफएमएस प्रणाली चीं तांत्रिक अडचण दूर करून धनादेश करावी देयके प्रदान करावी, ग्राम विकासाला किमान वार्षिक दहा लाख विकास निधी देण्यात यावे, पंधरा व्या वित्त आयोग निधीत वाढ करण्यात यावी.
आदी विकासाभिमुख प्रश्न घेवून काम बंद आंदोलन लक्ष वेधत असून ग्रामसेवक व ग्राम विकास अधिकारी हे पदे एकत्र करून पंचायत विकास अधिकारी पद निर्माण करून जुनी पेन्शन योजना लागू करण्यात यावी. या मागण्यासह सरपंच , ग्राम सेवक , ग्राम विकास अधिकारी , ग्राम रोजगार सेवक, संगणक परिचालक, ग्रा. पं. कर्मचारी आपल्या हक्काच्या मागण्या घेवून आंदोलनात सहभागी झाले आहे.
