खुलताबाद | शिवसेना (उबाठा) शहर प्रमुखपदी मुकेश मालोदे यांची नियुक्ती करण्यात आली असून माजी विरोेधी पक्षनेते अंबादास दानवे यांच्या हस्ते त्यांना नियुक्तीपत्र प्रदान करण्यात आले. या नियुक्तीमुळे खुलताबाद शहरातील शिवसैनिकांमध्ये नवचैतन्य निर्माण झाले असून पक्ष संघटना अधिक बळकट होण्यास मदत होणार असल्याची भावना कार्यकर्त्यांकडून व्यक्त करण्यात येत आहे. यावेळी शिवसेना (उबाठा)चे मराठवाडा संपर्कप्रमुख सुभाष पाटील, तालुकाप्रमुख राजू वरकड, युवासेना जिल्हाप्रमुख विठ्ठल पाटील ढमाले, पंचायत समिती उपसभापती बद्रीनाथ वाकळे, विधानसभा संघटक गणेश आधाने, उपतालुकाप्रमुख आकाश हिवर्डे यांच्यासह शिवसेनेच्या उबाठा गटाचे पदाधिकारी उपस्थित होते.
