बातमी ऐका (Marathi Voice Reader)
नागपूर येथे नुकत्याच पार पडलेल्या २९ व्या ‘नृत्यसंस्कृती’ राष्ट्रीय नृत्य स्पर्धेत अमरावतीची पर्वणी शैलेश सोनोने हिने ज्युनिअर गटातील ‘सेमीक्लासिकल’ नृत्य प्रकारात प्रथम क्रमांक पटकावला आहे. अखिल नटराजम आंतर सांस्कृतिक संघातर्फे आयोजित या प्रतिष्ठित स्पर्धेत पर्वणीने शहराची मान उंचावली. देशभरातील विविध राज्यांतून आलेल्या गुणवंत स्पर्धकांमुळे ही स्पर्धा अत्यंत चुरशीची ठरली होती. अशा कठीण स्पर्धेत पर्वणीने आपल्या लयबद्धता, भावभावना आणि उत्कृष्ट सादरीकरणाने परीक्षकांची मने जिंकली. तिच्या प्रभावी सादरीकरणाला विशेष दाद मिळाली. या यशाबद्दल तिला ‘नॅशनल मेरिट सर्टिफिकेट’ देऊन गौरविण्यात आले. पर्वणीच्या या यशामागे तिची सातत्यपूर्ण मेहनत, सराव आणि गुरूंचे मार्गदर्शन महत्त्वाचे ठरले आहे. तिने आपल्या यशाचे श्रेय गुरू प्रकाश मेश्राम तसेच आई-वडिलांच्या प्रोत्साहनाला दिले.
