बातमी ऐका (Marathi Voice Reader)
गणेश मंदिर बायपास रोड येथे निःशुल्क निरंतर योग कार्य गेली कित्येक महिन्यांपासून सुरू आहे.१२ वा आंतरराष्ट्रीय योग महोत्सव माऊली महिला मंडळ योग ग्रुपच्या वतीने मोठ्या उत्साहामध्ये साजरा करण्यात आला.योग प्रचार आणि प्रसार महिला वर्गामध्ये योगासेविका रेखा प्रल्हाद फुके यांच्या माध्यमातून सामान्य महिलांपर्यंत पोहोचत आहे. असंख्य योगिनीच्या माध्यमातून गणेश मंदिर येथे निशुल्क निरंतर योग सेवा कार्य सुरू राहते. तसेच यापुढेही सुरू राहील, असे प्रतिपादन रेखा फुके यांनी यावेळी केले. माऊली महिला मंडळ योग ग्रुपला विश्व मांगल्य सभा, राजस्थानी महिला मंडळ या सुद्धा जोडल्या गेलेल्या आहेत. सर्व महिला मिळून हे योग कार्य सुरू आहे. निरंतर निशुल्क योग कक्षा फक्त महिलांकरिता गणेश मंदिर बायपास येथे सुरू आहे, तरी जास्तीत जास्त महिलांनी याचा लाभ, घ्यावा असे आवाहन यावेळी करण्यात आले.
