बातमी ऐका (Marathi Voice Reader)
जागतिक पर्यावरण दिनाचे औचित्य साधून श्री दिगंबर जैन महासमिती, यवतमाळ जिल्हा यांच्या वतीने गोधनी रोड येथील ऑक्सिजन पार्क (प्रयासवन) परिसरात वृक्षारोपण कार्यक्रमाचे आयोजन करण्यात आले. यावेळी पर्यावरणपूरक विविध वृक्षांची लागवड करून त्यांच्या संगोपन व संवर्धनाचा सामूहिक संकल्प करण्यात आला. कार्यक्रमात महासमितीचे जिल्हाध्यक्ष अशोक रोहणे, सचिव डॉ. शेखर बंड, कार्यकारी अध्यक्ष नंदकुमार महाजन, विधी सल्लागार ॲड. रवीशेखर बदनोरे यांची प्रमुख उपस्थिती होती. मान्यवरांनी वृक्षारोपण करून पर्यावरण संरक्षणाचा संदेश दिला. या वेळी उपस्थितांना मार्गदर्शन करताना मान्यवरांनी सांगितले की, पर्यावरण संवर्धन हे आजच्या काळातील अत्यंत महत्त्वाचे आणि सामूहिक जबाबदारीचे कार्य आहे. वाढते प्रदूषण, हवामानातील बदल आणि तापमानवाढ यांसारख्या गंभीर समस्यांवर मात करण्यासाठी प्रत्येक नागरिकाने वृक्षारोपणासोबतच वृक्षसंवर्धनाची जबाबदारी स्वीकारणे आवश्यक आहे. या उपक्रमात महासमितीचे कोषाध्यक्ष नेमिनाथ राऊळकर, सहसचिव राजेश इंदाने, जिल्हा कार्यकारिणी सदस्य उमेश पकाले, अजय गुलालकरी, अधीर काळे यांनी सहभाग नोंदवला. तसेच वन विभागाचे कर्मचारी योगेश वंजारी, अमोल वंजारी, लक्ष्मण मडावी यांनी वृक्षारोपणासाठी विशेष सहकार्य केले. कार्यक्रमाच्या माध्यमातून पर्यावरण संरक्षणाचा संदेश देत वृक्षलागवड व संवर्धनाची चळवळ अधिक व्यापक करण्याचा निर्धार उपस्थितांनी व्यक्त केला. र्यावरण निर्माण करण्यास हातभार लावावा वृक्षांमुळे शुद्ध प्राणवायू, स्वच्छ वातावरण, नैसर्गिक संतुलन टिकून राहण्यास मदत होते. आज लावलेले एक झाड भविष्यातील पिढ्यांसाठी निरोगी आणि सुरक्षित पर्यावरण निर्माण करण्यास हातभार लावू शकते, असे मत त्यांनी व्यक्त केले.
