बातमी ऐका (Marathi Voice Reader)
यंदा सुपर अलनिनोच्या प्रभावामुळे जून महिन्याचे सुरूवातीचे २० दिवस उलटूनही चांगला पाऊस बरसलेला नव्हता. मात्र गेल्या दोन दिवसांपासून जिल्ह्यात पावसाची सुरूवात झाली आहे. या दोन दिवसातच झालेल्या पावसाने जून महिन्याच्या सरासरी पावसामध्ये आतापर्यंत असलेली तूट निम्म्यापेक्षा जास्त भरुन काढली असल्याचे दिसत आहे. त्यातच बुधवारी २४ जून रोजी सकाळपर्यंत पडलेल्या पावसाने तीन तालुक्यातील आठ महसुली मंडळात अतिवृष्टी झाली. दरम्यान या पावसाने बळीराजा सुखावला असून, जिल्ह्यातील अनेक तालुक्यांमध्ये रखडलेल्या पेरण्यांना सुरूवात झाल्याचे चित्र पाहायला मिळाले. जून महिन्यात पावसाने चांगलीच दडी मारली होती. त्यामुळे कापूस आणि सोयाबीन उत्पादक शेतकऱ्यांची चिंता वाढली होती. सुपर अलनिनोच्या प्रभावामुळे जून महिन्यात पाऊस येणार की नाही, अशी शंका व्यक्त होत असतानाच जिल्ह्यात दमदार पावसाची हजेरी झाली. त्यामुळे जून महिन्यात जिल्ह्यात सरासरी पडणाऱ्या १३१.१ मिमी पावसाची निम्मीअधिक तूट या पावसाने भरुन निघाली आहे. बुधवारी जिल्ह्यात २३.३ मिमी पाऊस झाला असून, आतापर्यंत उर्वरित. पान ४ तालुका पाऊस Âयवतमाळ २८.२ Âबाभुळगाव ५५.१ Âकळंब ४८.७ Âदारव्हा ७१.१ Âदिग्रस ७५.० Âआर्णी ५४.५ Âनेर ९९.२ Âपुसद ४६.९ Âउमरखेड ६०.९ Âमहागाव ३४.३ Âवणी ११४.१ Âमारेगाव ७३.५ Âझरी ७८.१ Âकेळापूर ६०.७ Âघाटंजी ४९.८ Âराळेगाव ६०.६ एकूण ६१.६ ४७ टक्के पाऊस जिल्ह्यातील हा पाऊस सरासरी पावसाच्या ४७ टक्के इतका झाला आहे. जूनमध्ये झालेला पाऊस चांगल्या पावसाशिवाय खरीप पेरणी करु नका ^जिल्ह्यात पावसाची सुरूवात झाली मात्र बऱ्याच भागात १०० मिमीपेक्षा जास्त पाऊस झालेला नाही. नेर, झरी, वणी भागातच चांगला पाऊस झाला. २६ जूननंतर सर्वदूर पावसाचा अंदाज हवामान विभागाने वर्तवला. त्यामुळे १०० मिमी पाऊस झाल्याशिवाय पेरणीची घाई शेतकऱ्यांनी करु नये. मनोज ढगे, जिल्हा कृषी अधिकारी, यवतमाळ. केवळ १० टक्के आटोपल्या पेरण्या यंदा जिल्ह्यात ९ लाख हेक्टर वर खरीप पेरणीचे नियोजन केले आहे. असे असताना जूनमध्ये पावसाने दडी मारल्याने पेरण्या खेळंबल्या होत्या. दोन दिवसात पावसाने काही भागात पेरण्यांची सुरूवात झाली असून, मंगळवारी २३ जूनपर्यंत ८१ हजार ६४४ हेक्टरवर पेरण्या पूर्ण झाल्या आहेत, अशी माहिती देण्यात आली.
