बातमी ऐका (Marathi Voice Reader)
मध्य रेल्वेने निवडक गाड्यांमध्ये पारंपारिकऐवजी नवीन तंत्रज्ञान वापरुन एलएचबी डबे (लिंक हॉफमन बुश) डबे लावण्यात आले. आता अमरावती- सुरत एक्स्प्रेसच्या पारंपरिक आयसीएफ रॅकऐवजी एलएचबी रेकमध्ये रूपांतर करण्याचा निर्णय घेतला आहे आता . या डब्यांमुळे प्रशावांच्या सुरक्षेत वाढ होणार असून, प्रवास आरामदायकही होणार आहे. मध्य रेल्वेने प्रवाशांच्या अधिक सुरक्षिततेसाठी आणि उत्कृष्ट प्रवास अनुभवासाठी या ८ गाड्यांमधील सध्याच्या (पारंपारिक) डब्यांच्या जागी नवीन एलएचबी डबे कायमस्वरूपी बसवण्याचा निर्णय घेतला होता. एलएचबी डबे हे स्टेनलेस स्टीलपासून तयार केलेले राहणार आहेत. यात अँटी-क्लाइंबिंग यंत्रणा, अग्निरोधक साहित्य, एलईडी प्रकाश व्यवस्था, ५-पीन चार्जिंग सॉकेट्स, डिस्क ब्रेक प्रणाली; तसेच आपत्कालीन स्थितीत उघडता येणाऱ्या खिडक्या अशा अत्याधुनिक सुविधा आहेत. प्रवासी तिकीट बुकिंगसाठी RailOne ॲप देखील डाउनलोड करू शकतात.या विशेष गाड्यांच्या थांब्यावरील सविस्तर वेळापत्रकासाठी, कृपया www.enquiry.indianra il.gov.in या संकेतस्थळाला भेट द्या किंवा NTES ॲप डाउनलोड करता येणार आहे. गाडी क्रमांक २०९२६ अमरावती- सुरत एक्स्प्रेस अमरावती येथून २९ मे २०२६ पासून एलएचबी कोचसह धावेल. गाडी क्रमांक २०९२५ सुरत- अमरावती एक्स्प्रेस सुरत येथून २८ मेपासून एलएचबी कोचसह धावणार आहे. अशी असेल रचना सुधारित रचनेनुसार १६ डबे पुढीलप्रमाणे राहणार आहेत. १ वातानुकूलित चेअर कार, ४ द्वितीय श्रेणी चेअर कार, २ स्लीपर क्लास, ७ सामान्य द्वितीय श्रेणी डबे, १ लगेजसह गार्ड ब्रेक व्हॅन आणि १ जनरेटर व्हॅन राहणार आहे. एलएचबी कोच आधुनिक तंत्रज्ञानावर आधारित असून प्रवाशांना अधिक आरामदायी, सुरक्षित आणि सुकर प्रवासाचा अनुभव देतात. या कोचमध्ये उत्तम सस्पेन्शन, अधिक स्थिरता तसेच प्रगत सुरक्षा सुविधा उपलब्ध आहेत.
