बातमी ऐका (Marathi Voice Reader)
फेब्रुवारी २०२६ मध्ये मुदत संपलेल्या ग्राम पंचायतीमध्ये पदसिद्ध प्रशासक म्हणून सरपंच तर प्रशासकिय समिती सदस्य म्हणून ग्राम पंचायत सदस्यांची शासनाने नियुक्ती केलेली असतांना शासनाने कुठलेही आर्थिक उलाढालीचे अधिकार ठेवले नसल्याने मार्च ते मे या तीन महिन्यांच्या कालावधीत प्रशासक सरपंच व सदस्य यांनी मासिक सभेकडे पाठ फिरवली आहे. १३ सदस्य असलेल्या ब्राम्हणगांव ग्राम पंचायतच्या ३० मे रोजी झालेल्या तहकुब ग्रामसभेला विरोधी गटाचे केवळ दोन सदस्यांच्या हजेरीत ग्रामपंचायत अधिकाऱ्यांना मासिक सभा पार घ्यावी लागली. यामुळे पावसाळ्यातील उद्भवणाऱ्या ज्वलंत समस्या कोण मार्गी लावणार असा प्रश्न नागरिकांना भेडसावत आहे. ब्राम्हणगांव ग्रामपंचायत कार्यालयात दि. २८ मे ची तहकुब मासिक सभा दि. ३० मे शनिवार रोजी ग्रामपंचायत अधिकारी प्रकाश राठोड यांनी घेतली या सभेला १३ सदस्यां पैकी विरोधी गटाचे शेख खदीर शे. हानिफ व ललीता कैलास वाठोरे हे दोन सदस्य हजर होते. ^दोन महिन्यांसाठी ग्राम पंचायतचे पदसिद्ध प्रशासक म्हणून माझी तर प्रशासकिय सदस्य म्हणून कार्यकारिणीतील सदस्य शासनाने नियुक्त केले आहेत. आमचा ५ वर्षाचा कार्यकाळ अगदी आनंदात गेला. शानदार निरोप समारंभही झाला. आता २ महिन्यांसाठी ही नियुक्ती असल्याने शासनाने आम्हाला आर्थिक अधिकार ठेवले नाहीत. पावसाळी समस्या भेडसावत आहेत. हातात हंटर नसल्याने पाणी पुरवठा कर्मचारी ऐकत नाहीत. – परमात्मा गरुडे, सरपंच तथा. शासनाने आम्हाला आर्थिक अधिकार ठेवले नाही
