बातमी ऐका (Marathi Voice Reader)
चांदवड शहरातील रस्त्यांची कमालीची दुरावस्था व धुळीच्या साम्राज्यामुळे होणाऱ्या समस्येकडे प्रशासनाचे लक्ष वेधण्यासाठी शिवसेना (शिंदे गट) नेते राजाभाऊ अहिरे यांच्यासह नागरिकांनी येथील छत्रपती शिवाजी महाराज चौक ते विघ्नहर्ता गणपती मंदिर रस्त्यावरील खड्ड्यात बसून ठिय्या आंदोलन केले. याबाबत नगरपरिषद मुख्याधिकाऱ्यांना निवेदन देण्यात आले. पावसाळ्यापूर्वी रस्त्यांची कामे न झाल्यास बेमुदत उपोषण व तीव्र आंदोलन छेडण्याचा इशारा देण्यात आला आहे. शहरातील शिवाजी महाराज चौक रोड, सार्वजनिक वाचनालयरोड, डॉ. बाबासाहेब आंबेडकरनगर रोड, विघ्नहर्ता गणपती मंदिररोड, मर्चंट कॉलनीरोड, होळकर शाळारोड व सोमवार हट्टी परिसरातील प्रमुख रस्त्यांवर मोठमोठे खड्डे पडले असून, अनेक ठिकाणी दगड वर आले आहेत. त्यामुळे या रस्त्यांवरुन मार्गक्रमण { उर्वरित पान. ३ रस्त्यांवरील अंडरग्राऊंड ड्रेनेजची झाकणे व चेंबर रस्त्याच्या पातळीपेक्षा वर आल्याने चालताना अडचणी निर्माण होत आहेत. पावसाळा सुरू होण्यापूर्वीच रस्त्यांची दुरुस्ती न झाल्यास परिस्थिती आणखी गंभीर होण्याची शक्यता आहे. यावेळी शहरातील रस्त्यांचे काम तत्काळ सुरू करून नवीन रस्ते बांधण्यात यावे, अन्यथा नगरपरिषदेसमोर बेमुदत उपोषण छेडण्याचा इशारा देण्यात आला.
