शहरातील सिसोदिया लेआऊट येथे राहणाऱ्या साक्षी अभय चौधरी (वय २४) हिचा संशयास्पद मृत्यू झाला आहे. मृत्यू नेमका आत्महत्येमुळे झाला की अन्य कारणामुळे, याबाबत पोलीस तपास सुरू आहे. मूळ आर्णी तालुक्यातील कोसदणी येथील रहिवासी असलेल्या साक्षीचा विवाह अवघ्या चार ते पाच महिन्यांपूर्वी आर्णी येथील अभय रामेश्वर चौधरी यांच्यासोबत झाला होता. साक्षी सासरी असताना घरातील जिन्याला ओढणीच्या साहाय्याने लटकलेल्या अवस्थेत आढळून आली. मागील चार – पाच महिन्याअगोदर लग्न झालेली नव विवाहिता घराच्या जिन्याला ओढणीच्या सहाय्याने लटकलेल्या अवस्थेत आढळून आल्याने खळबळ उडाली आहे.याप्रकरणात चार आरोपीविरुद्ध भारतीय न्याय संहितेच्या कलमानुसार गुन्हा दाखल करण्यात आला असून तीन आरोपींना अटक करण्यात आली. मात्र मृत साक्षीच्या नातेवाइकांसह गावकऱ्यांनी साक्षीची हत्या झाल्याचा गंभीर आरोप करत, आरोपींवर हत्येचा गुन्हा दाखल करण्यासाठी रविवारी आर्णी उड्डाण पुलाजवळ नागपूर – तुळजापूर महामार्गांवर रस्ता रोको आंदोलन करत,शहरातील मुख्यारस्त्याने निषेध मोर्चा काढला होता.
