स्वतः पोलिस दलात कार्यरत असल्याची खोटी बतावणी करून आणि “एअर इंडिया’ कंपनीत नोकरी लावून देण्याचे आमिष दाखवून दोन सुशिक्षित तरुणांना ५२ हजार रुपयांना लुटल्याचा धक्कादायक प्रकार आर्णी तालुक्यात उघडकीस आला आहे. आरोपीने चक्क दिल्ली विमानतळाच्या नावाचे बनावट नियुक्तीपत्र पाठवून कुटुंबाचा विश्वास संपादन केला होता. मात्र, शहानिशा अंती फसवणूक झाल्याचे समोर आल्यानंतर आर्णी पोलिस ठाण्यात गुन्हा दाखल करण्यात आला आहे. पोलिस सूत्रांकडून मिळालेल्या माहितीनुसार, आर्णी तालुक्यातील रहिवासी भीमराव राठोड (वय ४६) यांच्या घरी रामनवमी २०२५ च्या सुमारास मुलीच्या लग्नाचे स्थळ घेऊन संतोष जाधव (वय ३०, रा. आपेगाव, पैठण, जि. औरंगाबाद) हा तरुण आला होता. घरामध्ये बोलणी सुरू असताना संतोषने आपण पोलिस दलात कर्मचारी असल्याची खोटी ओळख दिली. गोड बोलून त्याने राठोड कुटुंबाचा विश्वास संपादन केला. त्यानंतर आरोपी संतोष जाधव याने फिर्यादी भीमराव राठोड यांच्या जावयाला आणि { उर्वरित पान ४ तोतया पोलिसांनी विद्यार्थ्यांना फसवलेली ही एआयने बनवलेली इमेज . अशी उघड झाली फसवणूक काही दिवसांनंतर कुटुंबाने त्या नियुक्तीपत्राची कायदेशीर आणि अधिकृत पातळीवर शहानिशा केली असता, ते पत्र पूर्णपणे बनावट (फेक) असल्याचे उघड झाले. धक्का बसलेल्या राठोड यांनी तातडीने संतोष जाधव याच्याशी संपर्क साधला, मात्र त्याने उडवाउडवीची उत्तरे देत पैसे परत करण्यास टाळाटाळ केली. एवढेच नव्हे तर तो प्रत्यक्षात कुठेही पोलिस कर्मचारी नसल्याचेही समोर आले. भीमराव राठोड यांनी जावयासह आर्णी पोलिस ठाणे गाठून आपबिती सांगितली. पोलिसांनी तक्रारीवरून आरोपी संतोष गोविंद जाधव विरुद्ध गुन्हा दाखल केला आहे. या प्रकरणाचा पुढील तपास आर्णी पोलिस करीत आहेत.
