तिवळी येथे मोफत त्वचारोग तपासणी शिबिराचे आयोजन:गावातील वैद्यकीय सेवेने ज्येष्ठ सुखावले‎

प्रतिनिधी | शिरपूर जैन ग्रामीण भागातील नागरिकांच्या आरोग्याची काळजी घेण्याच्या उद्देशाने गुरुवारी दि.२८ मे २०२६ रोजी तिवळी येथे भव्य ‘मोफत दंत व त्वचारोग तपासणी शिबिरा’चे यशस्वी आयोजन करण्यात आले होते. सकाळी ७:३० ते दुपारी १:०० या वेळेत पार पडलेल्या या शिबिराला परिसरातील नागरिकांचा उत्स्फूर्त प्रतिसाद लाभला. तज्ज्ञ डॉक्टरांचे मार्गदर्शन आणि तपासणी शिरपूर येथील सत्यश्री दातांचा दवाखाना व स्किन केअर सेंटरचे मुख्य संचालक डॉ. अक्षय किशोर लहाने यांच्या मार्गदर्शनाखाली गरजू लाभार्थींची मोफत तपासणी करण्यात आली. या शिबिरामध्ये दात दुखी, हिरड्यांचे आजार, दातांची स्वच्छता यासोबतच त्वचेचे विकार, ॲलर्जी आणि इतर त्वचाविषयक समस्यांवर रुग्णांना मोफत सल्ला व योग्य मार्गदर्शन करण्यात आले. सामाजिक उपक्रमाचे आयोजन ‘मोरया युवा प्रतिष्ठान’ आणि ‘कृषी माऊली शेतकरी समूह, तिवळी’ यांच्या संयुक्त विद्यमाने करण्यात आले होते. ग्रामीण भागातील सर्वसामान्य जनतेला तज्ज्ञ डॉक्टरांच्या वैद्यकीय सेवा गावातच उपलब्ध व्हाव्यात, या उदात्त हेतूने या दोन्ही संस्थांनी पुढाकार घेतला होता. शिबिराच्या यशस्वीतेसाठी मोरया युवा प्रतिष्ठान व कृषी माऊली शेतकरी समूहाच्या सर्व सदस्य दिपक शिवाजी बकाल (ग्रा. प. सदस्य) तिवळी, प्रशांत उद्धव बकाल, राहुल भागीरथ लहाने, ऋषिकेश भानुदास बकाल, आशितोष भागवत बकाल, ओम पांडुरंग बकाल, मोहन सातवकर, ओम विष्णू बकाल, परमेश्वर महाराज बकाल, गजानन देशमुख आणि तिवळी ग्रामस्थांनी विशेष परिश्रम घेतले. गावातच दर्जेदार वैद्यकीय सेवा शेतकरी आणि ग्रामीण भागातील नागरिक बऱ्याचदा स्वतःच्या आरोग्याकडे दुर्लक्ष करतात. त्यांना गावातच दर्जेदार वैद्यकीय सेवा मिळावी म्हणून या शिबिराचे आयोजन केले होते. – दीपक शिवाजी बकाल, ग्रा.पं. सदस्य, तिवळी.