शालेय साहित्य, फळवाटप, ५६ वृक्षांचे वितरण; शिवसेनेचे सामाजिक बांधिलकीचे दर्शन
सुरेश पाचभाई | मारेगाव
मारेगाव: राज्याचे मृद व जलसंधारण मंत्री तथा यवतमाळ जिल्ह्याचे पालकमंत्री नामदार संजय राठोड यांच्या ५६ व्या वाढदिवसानिमित्त मारेगाव तालुका शिवसेनेच्या वतीने समाजोपयोगी उपक्रमांची मालिकाच राबविण्यात आली.
शिक्षण, आरोग्य आणि पर्यावरण संवर्धनाचा संदेश देणाऱ्या या उपक्रमांनी मारेगाव शहरात सकारात्मक वातावरण निर्माण केले.तालुकाध्यक्ष विशाल किन्हेकर यांच्या नेतृत्वाखाली जिल्हा परिषद शाळेतील विद्यार्थ्यांना शालेय साहित्य व खाऊचे वाटप करण्यात आले.
त्यानंतर ग्रामीण रुग्णालयात रुग्ण व आशा सेविकांना फळांचे वितरण करून सेवाभावाचा अनोखा संदेश देण्यात आला.वाढदिवसाचे औचित्य साधत मार्डी चौक येथे प्रतीकात्मक स्वरूपात ५६ वृक्षांचे वाटप करण्यात आले.
पर्यावरण संवर्धनाची चळवळ अधिक बळकट करण्याचा संकल्प यावेळी करण्यात आला. “वाढदिवस साजरा करायचा तर समाजासाठी काहीतरी देऊन,” असा संदेश या उपक्रमातून देण्यात आला.माजी तालुका अध्यक्ष तथा विविध सहकारी सोसायटीचे अध्यक्ष गजानन पाटील किन्हेकर यांच्या अध्यक्षतेखाली कार्यक्रम पार पडला.
महिला जिल्हा उपाध्यक्षा उज्वला चंदनखेडे, महिला आघाडी अध्यक्षा कल्पनाताई गावंडे, तालुका समन्वयक संजय आवारी, शहरप्रमुख विजय मेश्राम,युवासेना तालुका अध्यक्ष निखिल कालेकर, माजी जिल्हा परिषद सदस्य सुनील गेडाम, आयुष ठाकरे, योगेश नागोसे, कार्तिक नेहारे,
तेजस कापसे, वेदू सिडाना, शुभम ठावरी यांच्यासह शिवसेना, युवासेना, महिला आघाडी व शहर आघाडीचे पदाधिकारी आणि कार्यकर्ते मोठ्या संख्येने उपस्थित होते.समाजहिताला प्राधान्य देत राबविण्यात आलेल्या या उपक्रमांचे नागरिकांनी स्वागत करत, अशा विधायक उपक्रमांची परंपरा कायम ठेवावी, अशी अपेक्षा व्यक्त केली.
