बातमी ऐका (Marathi Voice Reader)
छत्रपती संभाजीनगर : नोकरीच्या शोधात असलेल्या तरुण-तरुणींसाठी सुवर्णसंधी आहे. एकाच ठिकाणी विविध नामांकित कंपन्यांमध्ये नोकरी मिळवण्याची संधी आता उपलब्ध होणार आहे. छत्रपती संभाजीनगर महानगरपालिका, स्मार्ट सिटी आणि लाईटहाऊस कम्युनिटीज फाउंडेशन यांच्या संयुक्त विद्यमाने शहरामध्ये गुरुवारी अर्थात, 30 जुलै रोजी N-5 कम्युनिटी सेंटर येथे भव्य रोजगार मेळाव्याचे आयोजन केलेले आहे. या मेळाव्यात 500 हून अधिक रिक्त पदांसाठी थेट भरती आहे. पात्र उमेदवारांना इंटरव्यू नंतर त्याच दिवशी ऑफर लेटरही दिले जाणार आहे.
लाईटहाऊस हे युवकांसाठी कौशल्य विकासाचे केंद्र असून गेल्या पाच वर्षांपासून युवकांना प्रशिक्षण देऊन रोजगाराच्या संधी उपलब्ध करून देण्याचे काम करत आहे. या रोजगार मेळाव्यात बॅक ऑफिस, डेटा एन्ट्री, टेलिकॉलिंग, एचआर एक्झिक्युटिव्ह, मॅन्युफॅक्चरिंग, ऑटोमोबाईल, BFSI (बँकिंग) आणि आयटी क्षेत्रातील विविध पदांसाठी भरती केली जाणार आहे. डिप्लोमा, आयटीआय, अभियांत्रिकी तसेच पदवीधर उमेदवारांसाठी या मेळाव्यात खूप संधी उपलब्ध आहेत.
उमेदवारांची निवड त्यांच्या शैक्षणिक पात्रता, कौशल्य आणि मुलाखतीतील कामगिरीच्या आधारे केली जाणार आहे. त्यानुसार त्यांना दरमहा 25 हजार किंवा त्यापेक्षा अधिक पगार मिळू शकते. विशेष म्हणजे, निवड झालेल्या उमेदवारांना त्याच दिवशी ऑफर लेटरही देण्यात येणार आहे. शहरातील जास्तीत जास्त तरुणांनी या रोजगार मेळाव्यामध्ये इंटरव्यू देऊ शकता आणि तुमच्या पात्रतेनुसार नक्कीच तुम्हाला या ठिकाणी लवकर देखील लागू शकते. जास्तीत जास्त उमेदवारांनी यावे, असे देखील आवाहन यावेळी स्मार्ट सिटी आणि लाईट हाऊस कडून करण्यात आलेले आहे.
