बातमी ऐका (Marathi Voice Reader)
सिंधुदुर्ग: वडिलांनी नवीन गाडी घेऊन न दिल्याच्या रागातून 15 वर्षांच्या मुलाने आयुष्य संपवलं. सिंधुदुर्ग जिल्ह्यातील कुडाळमध्ये ही धक्कादायक घटना घडली. युवराज विजय परब (वय 15, रा. मेहनील प्लाझा, कुडाळ) असं मृत मुलाचं नाव आहे. त्याने राहत्या घरात गळफास घेत आत्महत्या केली. या घटनेनं परब कुटुंबीयांवर दु:खाचा डोंगर कोसळला असून परिसरात हळहळ व्यक्त होत आहे.
मिळालेल्या माहितीनुसार, कणकवली येथील शिरवलचं परब कुटुंब सध्या कुडाळमध्ये वास्तव्यास आहे. 15 वर्षे 9 महिने वय असणारा युवराज हा वडिलांकडे गाडी मागत होता. मात्र, तो वयाने लहान असल्याने वडिलांनी गाडी घेण्याचे टाळत त्याला नकार दिला. तेव्हा गुरुवारी रात्री 10.30 ते 11.30 च्या सुमारास युवराजने टोकाचा निर्णय घेतला.
स्वत:ला कॅन्सर झाल्याचा संशय, मुलाचं काय होणार? बापाच्या कृत्यानं सातारा हादरलं, आता जन्माची अद्दल
वडिलांनी गाडी घेण्यास नकार देताच युवराजने राहत्या घरातील बेडरूममध्ये पंख्याला ओढणीने गळफास लावून घेतला. यामध्ये त्याचा मृत्यू झाला. याप्रकरणी वडील विजय विद्याधर परब यांनी कुडाळ पोलीस ठाण्यात फिर्याद दिली. पोलिसांनी आकस्मिक मृत्यूची नोंद केली असून अधिक तपास सुरू आहे.
दरम्यान, अवघ्या 15 वर्षांच्या मुलाने नवीन गाडीसाठी टोकाचं पाऊल उचलल्याने परब कुटुंबीयांवर दु:खाचा डोंगर कोसळला. घटनेनंतर परिसरातून हळहळ व्यक्त होत आहे.
