मार्डी येथे भर चौकात काल रात्री घडला थरार.
हल्ल्यात युवकाचा मृत्यू परिसरात एकच खळबळ.
विदर्भ एस पि न्युज नेटवर्क:- मारेगांव,
मारेगाव तालुक्यातील मार्डी येथे काल बाजारचा दिवस होता अशातच रात्री 8:30 ते 9 वाजताच्या सुमारास मार्डी चौक येथे दोघांमध्ये वाद झाला व वादाचे रुपांतर शेवटी हल्यात झाले.या हल्यामध्ये तरुणाचा मृत्यू झाला.ही घटना काल दिनांक 9 ऑगस्ट 2023 रोज बुधवारला रात्री 8:30 ते 9 वाजताच्या सुमारास घडली.
असुन मृतकाचे नाव कैलास बंडू सलाम वय सुमारे 21वर्ष रा.मजरा आहे.तर संशयित आरोपीचे नाव प्रदीप उर्फ काल्या गोविंदराव भालशंकर वय सुमारे 35 वर्ष रा.मार्डी असे आहे.प्रदीप उर्फ काल्या याचेवर कलम 302 भादवी नुसार गुन्हा दाखल करण्यात आला आहे.
मार्डी येथे काल आठवडी बाजार होता त्या साठी कैलास हा आला होता.मार्डी येथील भर चौकात कैलास आणि प्रदीप यांच्यामध्ये वाद झाला.या वादामध्ये संशयित प्रदीप उर्फ काल्याने कैलासच्या गळ्यावर आणि मानेवर कुऱ्हाडीने सपासप वार केले.रक्ताच्या थारोळ्यात कैलास निपचित पडलेला होता.
या घटनेमुळे गावात एकच खळबळ उडाली.उपस्थित नागरिकाने याची माहिती मारेगाव पोलीसांना दिली.माहिती मिळताच पोलिसा घटनास्थळी दाखल झाले.जखमी तरुणाला जनहितच्या रुग्णवाहिकेने त्याला मारेगाव येथील ग्रामीण रुग्णालयात दाखल करण्यात आले.
मात्र त्याची प्रकृती गंभीर असल्याने कैलासला वणी येथील एका खासगी रुग्णलयात नेण्यात आले.मात्र त्याची मृत्यूशी झुंज अपयशी ठरली.घटनेचा पुढील तपास ठाणेदार जनार्धन खंडेराव यांचे मार्गदर्शनात मारेगाव पोलीस करीत आहे.