बातमी ऐका (Marathi Voice Reader)
सांगली: बारावीचा पेपर अवघड गेल्याच्या नैराश्यातून 18 वर्षीय युवकाने टोकाचं पाऊल उचललं. ऑक्टोबरचा पेपर झाल्यावर घरात कुणी नसताना गळफास घेत आयुष्य संपवलं. दत्तात्रय विठ्ठल नरळे (वय 18, रा. भगत प्लॉट, लक्ष्मीनगर, साखरकारखाना) असे मृताचे नाव आहे. या घटनेची नोंद संजयनगर पोलीस ठाण्यात झाली असून सांगलीत हळहळ व्यक्त होत आहे.
नेमकं घडलं काय?
मिळालेल्या माहितीनुसार, दत्तात्रय हा बारावीचं शिक्षण घेत होता. दिवसा काम करून रात्र शाळेत त्याचं शिक्षण सुरू होतं. ऑक्टोबरमध्ये त्याची परीक्षा सुरू होती. पेपर अवघड गेल्याने तो नैराश्यात होता. शुक्रवारी सायंकाळी घरात कुणी नसताना त्याने टोकाचा निर्णय घेतला. साडीने लोखंडी अँगलला गळफास घेऊन आत्महत्या केली.
Pune News: पुणे : कपडे वाळत घालण्याच्या तारेनं घेतला महिलेचा जीव, शाळेतून येताच ते दृश्य पाहून लेक हादरला
दत्तात्रयची आई कामावरून परतली तेव्हा घराचा दरवाजा बंद दिसला. तिने शेजाऱ्यांना कळवले. खोलीचा बंद दरवाजा तोडून काढला. तेव्हा दत्तात्रयने गळफास घेतल्याचे आढळले. तेव्हा आईचा आक्रोश काळीज पिळवटून टाकणारा होता. त्याचा गळफास सोडवून तातडीने सिव्हिल हॉस्पिटलमध्ये दाखल करण्यात आले. परंतु, डॉक्टरांनी त्याला मृत घोषित केले.
आईचा काळीज पिळवटून टाकणारा आक्रोश
दत्तात्रय हा नरळे कुटुंबातील एकुलता एक मुलगा होता. पेपर अवघड गेल्याने मुलानं आत्महत्या केल्याचं समजताच आईला धक्का बसला. “पेपर अवघड गेला म्हणून आत्महत्या करायची काय गरज होती? मी तुला आयुष्यभर सांभाळले असते” असे म्हणत आईने हंबरडा फोडला. हे दृश्य पाहून उपस्थितांचे डोळे पाणावले.
दरम्यान, या घटनेची माहिती मिळताच संजयनगर पोलिसांना पंचनामा केला. प्राथमिक तपासात दत्तात्रय हा पेपर अवघड गेल्याने नैराश्यात होता, त्यामुळेच त्याने आत्महत्या केल्याचे आई-वडिलांनी सांगितले. अधिक तपास पोलीस करीत आहेत.
