प्रतिनीधी :- वणी
सविस्तर वृत्त असे की.
वणी :- तालुक्यातील चारगाव चौकी येथील घटना
मागून येणाऱ्या ट्रकची दुचाकीला धडक 1 ठार तर 1 गंभीर जखमी
वणी : येथील प्रगती नगर येथे वास्तव्यास असलेले सुमारे 35
वर्षीय शिक्षक शाळेवर जात असताना भरधाव ट्रक ने
दुचाकीला जबर धडक दिली. यात त्यांचा घटनास्थळीच
मृत्यू झाल्याची दुर्दैवी घटना गुरुवार दिनांक 31 मार्चला सकाळी 7 वाजताच्या सुमारास घडली आहे.
प्रशांत बुरांडे वय 35 असे मृतक शिक्षकाचे नाव असुन ते कुरई येथील जिल्हा परिषद शाळेत शिक्षक म्हणून कार्यरत होते. सकाळची शाळा असल्याने ते व दुसरे शिक्षक श्रीकांत उपाध्ये दुचाकीने शाळेत जाण्यासाठी निघाले होते. प्रशांत हे दुचाकीच्या मागे बसले होते.महत्वाचे म्हणजे दोघे पण शिक्षक हेल्मेट घालून होते.चारगाव गावाजवळच्या वळण रस्त्यावर अचानक बैल आडवा आल्याने त्यांनी ब्रेक मारला आणि मागून भरधाव येणाऱ्या ट्रकने त्यांच्या दुचाकीला जबर धडक दिल्याची माहिती प्राप्त झाली आहे.
यामध्ये प्रशांत बुरांडे हे जागीच ठार झाले आहे व दुसरे शिक्षक श्रीकांत उपाध्ये हे जखमी झाले आहे. या घटनेची माहिती मिळताच शिरपूर पोलिस घटनास्थळी दाखल झाले होते. घटनेचा पुढील तपास शिरपुर पोलिस करत आहे.
