मारेगांव तालुका प्रतिनिधी:- सुरेश पाचभाई
[9922862184]
सविस्तर वृत्त असे की.
मारेगाव तालुक्यातील पांढरकवडा (पिसगाव) येथे दिनांक 27 मार्च 2022 ला अल्पवयीन पीडिता ही आपल्या आई सोबत शेतातून काम करून घरी आली. मैत्रीच्या घरी दुपारी 2:30 वाजताच्या सुमारास जेवण करण्यासाठी गेली होती. पिडीतेची मैत्रीण हे संशियित आरोपीची चुलत बहीण आहे. जेवण झाल्या नंतर मैत्रिणीच्या घरी स्वयंपाक घरात पाणी पिण्यास गेली असता घरातच असलेल्या त्याच गावातील एका संशयित आरोपी तरुणाने मी तुझ्यावर प्रेम करतो मनून सुमारे 15 वर्षीय बालिकेवर बाडजब्रिने घरात विनयभंग केल्याची खडबडजनक घटना घडली आहे.
कुणाजवळ सांगितल्यास तुला बघुन घेण्याची धमकी संशयित आरोपीने दिली.पिडितेने घडलेला सर्व प्रकार आपल्या आईजवळ सांगितला असता आईने संताप व्यक्त करताच तुला सुद्धा बघुन घेईल म्हणत धमकी दिली. आज दिनांक 30 मार्च 2022 बुधवार ला मारेगाव पोलिसात तक्रार दाखल केली आहे. पोलिसांनी संशयित आरोपीवर गुन्हा दाखल केला आहे. उपविभागीय पोलिस अधिकारी यांच्या मार्गदर्शनात ठाणेदार राजेश पुरी व मारेगाव पोलिस पुढील तपास करीत आहे.
