वणी ते नांदेपेरा मार्गावरील घटना.
तालुका प्रतिनिधी:- वणी
वणी ते नांदेपेरा मार्गावर भरधाव हायवा ट्रकने दुचाकीला भिषण धडक दिली.या अपघातात दुचाकीस्वार एक तरुण ठार तर दुसरा गंभीर जखमी झाला आहे.ही घटना आज दिनांक 23 मार्च 2023 रोज गुरुवारला दुपारी 4:30 वाजताच्या सुमारास घडली.
धिरज धनराज आत्राम वय सुमारे 29 वर्षे असे अपघातात ठार झालेल्या तरुणाचे नाव आहे.तर संदीप कवडू सिडाम वय सुमारे 28 हा तरुण गंभीर जखमी झाला आहे. हे दोघेही वांजरी ता.वणी जि.यवतमाळ येथील रहिवासी आहे.आज ते दोघे दुचाकीने काही कामानिमित्त वणीकडे येत असताना विरुद्ध दिशेने येत असलेल्या हायवा ट्रक क्रमांक MH-29-BE-1816 ने सहारा पार्क जवळ दुचाकीला भिषण धकड दीली.
अपघात होताच रस्त्यांनी ये-जा करणाऱ्या नागरिकांनी व स्थानिकांनी लगेच वणी पोलिसांना घटनेची माहिती दिली.आणि जखमी तरुणांना लगेच वणी येथेल ग्रामीण रुग्णालयात उपचारासाठी दाखल केले.पण तेथील डॉक्टरांनी धिरज याला मृत घोषित केले.तर संदिप वर उपचार सुरु असल्याची माहिती प्राप्त झाली आहे.धिरज यांच्या पश्चात आई-वडील,पत्नी, दोन मुल असा आप्त परिवार आहे.या प्रकरणाचा पुढील तपास वणी पोलीस करत आहे.
